បារខែមស្វែងរកអ្នកស្ម័គ្រចិត្ត ២០ នាក់ ត្រៀមដឹកនាំកម្មវិធីបារខែមភ្នំពេញ ២០១៥

2015-06-16 22:07:58
ចំនួនមតិ 0 | ចំនួនចែករំលែក 0

ចន្លោះមិនឃើញ

គណៈកម្មការរៀបចំកម្មវិធីបារខែមភ្នំពេញ ប្រកាសស្វែងរកអ្នកស្ម័គ្រចិត្តជាសិស្សនិស្សិតតាមសាកលវិទ្យាល័យ និងវិទ្យាល័យនានាចំនួន ២០ នាក់ ដើម្បីចូលរួមជួយរៀបចំកម្មវិធីបារខែមភ្នំពែញ ២០១៥ ដែលគ្រោងរៀបចំដំណើរការនៅខែតុលាខាងមុខនេះ។

បារខែមភ្នំពេញ ២០១៥ មានការរំពឹងទុកថានឹងទាក់ទាញអ្នកចូលរួមជាច្រើនពាន់នាក់។ ដូច្នេះដើម្បីធ្វើឲ្យព្រឹត្តិការណ៍ដ៏សំខាន់និងមានប្រយោជន៍នេះអាចដំណើរការរលូននិងទទួលជោគជ័យ ទើបក្រុមការងារប្រកាសស្វែងរកអ្នកស្ម័គ្រចិត្តជាច្រើននាក់។

សម្រាប់ការចូលរួមការងារស្ម័គ្រចិត្តនេះ សិស្សនិស្សិតត្រូវមានលក្ខខណ្ឌ៖

អ្នកស្នាក់នៅអចិន្ត្រៃយ៍ក្នុងរាជធានីភ្នំពេញ
មានភាពអត់ធ្មត់ការងារ ចេះជួយគ្នា ចេះធ្វើការងារជាក្រុម
អ្នកកំពុងរៀនវិទ្យាល័យ ឬមហាវិទ្យាល័យ ដែលមានអាយុត្រឹម ១៥-២៦ ឆ្នាំ
មានពេលមួយព្រឹក មួយល្ងាច ឬចុងសប្ដាហ៍ ដើម្បីជួយផ្សព្វផ្សាយមុនពេលព្រឹត្តិការណ៍
ដាច់ខាតត្រូវមានពេលគ្រប់គ្រាន់កំឡុងព្រឹត្តិការណ៍នាថ្ងៃទី ២៤-២៥ ខែតុលា ឆ្នាំ២០១៥

សិស្សនិស្សិតដែលចាប់អារម្មណ៍ចង់ធ្វើការងារស្ម័គ្រចិត្តព្រឹត្តិការណ៍បារខែមភ្នំពេញ អាចចុះឈ្មោះចាប់ពីពេលនេះតទៅរហូតដល់ថ្ងៃឈប់ទទួលពាក្យនៅថ្ងៃ ០៣ កក្កដា ២០១៥ ហើយលទ្ធផលនឹងប្រកាសនៅថ្ងៃ ០៦ កក្កដា ២០១៥។

បារខែមភ្នំពេញ ជាកម្មវិធីចែករំលែកចំណេះដឹងជុំវិញបច្ចេកវិទ្យា។កម្មវិធីនេះមានការ ចូលរួមពីអ្នកជំនាញបច្ចេកវិទ្យា, អ្នកដែលមានគំនិតថ្មីក្នុងសង្គម, អ្នកអភិវឌ្ឍកម្មវិធីទូរសព្ទ និងវ៉ិបសាយ, អ្នកបង្កើតប្លុក, ម្ចាស់អាជីវកម្ម,សហគ្រិន, អ្នកជំនាញផ្នែកទីផ្សារ សិស្ស និស្សិតមកពីសាកលវិទ្យាល័យនានា ដើម្បីធ្វើការចែករំលែក និងសិក្សារបកគំហើញ បច្ចេកវិទ្យា និងគំនិតច្នៃប្រឌិតថ្មីៗនៅក្នុងសង្គម។

ប្រិយមិត្តដែលចាប់អារម្មណ៍ចង់ធ្វើជាអ្នកស្ម័គ្រចិត្តសម្រាប់វេទិកាបារខែមភ្នំពេញអាចចុចតាមតំណភ្ជាប់នេះ ដើម្បីបំពេញបែបបទចុះឈ្មោះ និងស្វែងយល់ពីព័ត៌មានបន្ថែម៕

ព័ត៌មានបន្ថែមទាក់ទងលោក ឆាលី សំសុក្រឹត្យ លេខទូរសព្ទ 017 991 994 ឬតាមរយៈ Email: info@barcampcambodia.org

អត្ថបទ៖ ប៊ុណ្ណារ៉ា