Microsoft ប្រើយុទ្ធសាស្ត្រមិនជ្រើសរើសតារា BA យកឈ្នះគូប្រកួតប្រជែង
- 2015-06-23 18:25:56
- ចំនួនមតិ 0 | ចំនួនចែករំលែក 0
Microsoft ប្រើយុទ្ធសាស្ត្រមិនជ្រើសរើសតារា BA យកឈ្នះគូប្រកួតប្រជែង
ចន្លោះមិនឃើញ
ក្រុមហ៊ុន Microsoft នៅមិនទាន់ពិចារណាក្នុងការជ្រើសរើសតារាជួរមុខកម្ពុជាណាម្នាក់ធ្វើជាតារាផ្សព្វផ្សាយ (Brand Ambassador) ផលិតផលទូរសព្ទរបស់ខ្លួនទេ ទោះបីដឹងថាវាអាចជះឥទ្ធិពលដល់ការសម្រេចចិត្តទិញប្រើប្រាស់ផលិតផលពីអតិថិជនក៏ដោយ។
លោក អ៊ី សុគន្ធ ប្រធានផ្នែកទំនាក់ទំនងរបស់ក្រុមហ៊ុន Microsoft ប្រចាំនៅកម្ពុជាឲ្យដឹងថា ថ្វីបើទីផ្សារកំពុងមានការប្រកួតប្រជែងខ្លាំង ហើយការជ្រើសរើសតារាល្បីៗក្នុងពិភពសិល្បៈធ្វើជាតារាផ្សព្វផ្សាយផលិតផលកំពុងមានសកម្មភាពផុលផុសខ្លាំង ប៉ុន្តែក្រុមហ៊ុនលោកមិនមានផែនការក្នុងការជ្រើសរើសតារាសិល្បៈណាម្នាក់ ដើម្បីធ្វើជាតារាផ្សព្វផ្សាយផលិតផលទូរសព្ទ Microsoft នោះទេ។
លោកថា ក្រុមហ៊ុនទូរសព្ទមួយចំនួនបានជ្រើសរើសតារាដែលមានកេរ្តិ៍ឈ្មោះល្បីល្បាញក្នុងពិភពសិល្បៈធ្វើជាតារាផ្សព្វផ្សាយ BA ដើម្បីជួយលើកស្ទួយផលិតផលមានទីផ្សារ។
លោកអ៊ី សុគន្ធ បញ្ជាក់ថា Microsoft មានយុទ្ធសាស្ត្រដាច់ដោយឡែក ដោយក្រុមហ៊ុនផ្តោតទៅលើការធ្វើជាគម្រោងដែលធ្វើឲ្យអតិថិជនស្គាល់ពីផលិតផលទូរសព្ទរបស់ក្រុមហ៊ុន ជាជាងការធ្វើប្រូម៉ូសិនតាមរយៈតារាផ្សព្វផ្សាយ។
កន្លងទៅនេះក្រុមហ៊ុន Huawei និង Samsung បានជ្រើសរើសតារាជួរមុខកម្ពុជាដូចជាកញ្ញា មាស សុខសោភា និងកញ្ញាឱក សុគន្ធកញ្ញាធ្វើជាទូតសុច្ឆន្ទៈផ្សព្វផ្សាយផលិតផលរបស់ខ្លួន។ ក្រុមហ៊ុនទាំងនោះបានអះអាងថា ការជ្រើសរើសតារាល្បីៗធ្វើជាតារាផ្សព្វផ្សាយមួយចំណែកក៏បានជះឥទ្ធិពលលើការលក់ផលិតផល ដោយសារកេរ្តិ៍ឈ្មោះរបស់ពួកគេបានទាក់ទាញការចាប់អារម្មណ៍ពីមហាជន។
លោកថា ក្រុមហ៊ុន Microsoft ប្រើយុទ្ធសាស្រ្តដោយធ្វើការសហការជាមួយដៃគូនានាដើម្បីនាំប្រយោជន៍ដល់អតិថជន ជាពិសេសក្រុមហ៊ុនក៏នឹងខិតខំពង្រឹងលើផលិតផល ដើម្បីប្រកួតប្រជែងនិងទទួលការគាំទ្រពីអ្នកប្រើប្រាស់។
អត្ថបទ៖ ប៊ុណ្ណារ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
