ក្រោយបែកបាក់ស្នេហាជាមួយកូនប្រុស Arnold ថា Miley Cyrus ជាមនុស្ស...

2015-06-26 16:24:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលចូលរួមកម្មវិធី SiriusXM ថ្មីៗនេះ តារាសម្ដែងជើងចាស់ Arnold បាននិយាយពីអតីតមិត្តស្រីរបស់កូនប្រុសថា ជាមនុស្ស "គួរឲ្យស្រឡាញ់"។ អតីតអភិបាលរដ្ឋ California បានរៀបរាប់ថា <<នាងមានអាជីពនេះដូច្នេះនាងអាចខុសពីគេបន្តិច ដោយសារនាងកើតក្នុងគ្រួសារអ្នកតន្ត្រី។ អញ្ចឹងវាយ៉ាងម៉េច? វាគ្មានបញ្ហាសម្រាប់ខ្ញុំទេ។ Patrick មានភាពរីករាយ មានសម្ពន្ធភាពដ៏អស្ចារ្យ តែចុងក្រោយគ្រប់យ៉ាងបានប្រេះស្រាំ>>។

តារាវ័យ ៦៧ ឆ្នាំបន្តថា <<ខ្ញុំគិតថា នាងជាមនុស្សដ៏អស្ចារ្យ។ យើងមានក្មេងៗនៅក្នុងផ្ទះគឺកូនក្មួយប្រុសខ្ញុំ។ នាងតែងចេញទៅទិញកាដូសម្រាប់ពួកគេរាល់ថ្ងៃ។ នាងលេងជាមួយពួកគេ លេងទូរសព្ទជាមួយពួកគេ និងបង្រៀនពួកគេលើរឿងជាច្រើន។ រឹតតែអស្ចារ្យនោះ នាងចេញទៅលេងព្រិលជាមួយពួកគេរៀងរាល់ពីរម៉ោងម្ដងទៀត>>។

តួឯកមនុស្ស Terminator មិនមានអ្វីជាបញ្ហានឹងម្ចាស់បទ "Party in The USA” ទេ តែគាត់គោរពតាមការសម្រេចចិត្តរបស់កូនប្រុស។

Miley Cyrus និង Patrick Schwarzenegger ចាប់ផ្តើមទាក់ទងគ្នានៅខែវិច្ឆិកា ឆ្នាំ២០១៤ ដល់ខែមេសា ២០១៥ ពួកគេសម្រេចដើរផ្លូវម្ខាងម្នាក់៕