នៅ​ថ្ងៃ​ស្អែក​នេះ​ Firestorm2 និង​នាំ​អារម្មណ៍​អ្នក​កម្សាន្ត​ទាំង​អស់​ទៅ​កាន់​ប្រាសាទ​អណ្ដែត​ឬ Floating Temple ដែល​មាន​នៅ​ក្នុង​ Version ថ្មី​របស់​សេវា​កម្សាន្ត​​បែប​បាញ់​ប្រហារ​ដ៏​​ទំនើប​​មួយ​នេះ។

Hero Mode គឺ​ជា​ប្រភេទ​Mode ​មួយ​ក្នុង​ចំណោមMode ជា​ច្រើន​ទៀត​នៅ​ក្នុង​សេវាកម្សាន្ត​ Firestorm2 ដែល​តម្រូវ​ឱ្យ​អ្នក​កម្សាន្ត​ជា​ច្រើន​​​អាច​លេង​ជា​មួយ​គ្នា​ដោយ​ធ្វើ​ការ​បែង​ចែក​ចេញ​ជា​ពីរ​ក្រុម ម្ខាង​​ជា​ក្រុម​ទាហាន ចំណែក​ម្ខាង​ទៀត​ធ្វើ​ជា​ពពួក​បិសាច ហើយ​ធ្វើ​ការ​ប្រយុទ្ធ​គ្នា​ដោយ​ប្រើ​ជំនាញ​និង​សមត្ថភាព​​របស់​តួអង្គ​នីមួយ​ៗ​។ ក្រៅ​ពី​ការ​បន្ថែម​ជូន​នូវ​ផែន​ទី​ថ្មី​ក្នុង​នោះ​សម្ភារៈ​ថ្មី​ៗ​​ក៏​ដូច​ជា​សព្វាវុធ​ជា​ច្រើន​ទៀត​ក៏​និង​បង្ហាញ​ខ្លួន​ព្រម​គ្នា​នៅ​ក្នុង​ឱកាស​នេះ​ផង​ដែរ​ ដើម្បី​ញ៉ាំង​ឱ្យ​ការ​កម្សាន្ត​ពោរ​ពេញ​ទៅ​ដោយ​ភាព​សប្បាយ​រីក​រាយ​នឹង​កាន់​តែ​​ងាយ​ស្រួល។

ជាង​នេះ​ទៅ​ទៀត​សម្រាប់​​អ្នក​ដែល​និយម​កម្សាន្ត​នៅ​ក្នុង​ផែន​ទី SUBMARINE STRIKE កម្រិត​ធម្មតាៗ​នា​ពេល​កន្លង​មក​ អាច​សាក​ល្បង​ជា​មួយ​និង​ការ​បន្ថែម​កម្រិត​ថ្មី Nightmare ដែល​ជា​កម្រិត​លំបាក​ជា​ទី​បំផុត។

Firestorm2 ជា Game បែប​បាញ់​ប្រហារ​ប្រភេទ3D TPS ដែល​មាន​លក្ខណៈ​ទំនើប​និង​កំពុង​ពេញ​និយម​នា​ពេល​បច្ចុប្បន្ត​​​ ជាមួយ​នឹង​រូប​ភាព​ច្បាស់​ត្រជាក់​ភ្នែក​អ្នក​ពិត​ជា​ទទួល​បាន​អារម្មណ៍​ប្លែក​នឹង​អស្ចារ្យ​នៅ​ពេល​ដែល​បាន​​កម្សាន្ត​ Firestorm2 !

អត្ថបទ៖ អ៊ៅ លីហ៊រ​​​​​​​​