ពានរង្វាន់បាល់ទាត់ស្ថាបត្យកម្មឈានដល់វគ្គផ្ដាច់ព្រ័ត្រ

2014-10-13 17:41:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតបាល់ទាត់ដណ្ដើមពានរង្វាន់ស្ថាបត្យកម្មឆ្នាំ២០១៤ របស់និស្សិតសិក្សានៅមហាវិទ្យាល័យស្ថាបត្យកម្ម និងរចនា និងមហាវិទ្យាល័យសំណង់ស៊ីវិល នៃសាកលវិទ្យាល័យបញ្ញាសាស្ត្រកម្ពុជាបានឈានចូលដល់វគ្គផ្ដាច់ព្រ័ត្រហើយនៅថ្ងៃនេះ ក្រោយធ្វើការប្រកួតវិលជុំសន្សំពិន្ទុតាំងពីថ្ងៃទី០៥ កក្កដា ២០១៤ មកម្ល៉េះ។

សម្រាប់ការប្រកួតវគ្គផ្ដាច់ព្រ័ត្រនៅរសៀលនេះមានចំនួនពីរប្រកួត ដោយប្រកួតទី១នៅម៉ោង២រសៀលជាការប្រកួតដណ្ដើមយកចំណាត់ថ្នាក់លេខ៣ ដែលជាការជួបគ្នារវាងក្រុម Fantastic IV F.C និងក្រុម Khmer Lion F.C រីឯការប្រកួតដណ្ដើមយកជើងឯកនៅម៉ោង៤រសៀលគឺជាការជួបគ្នារវាងក្រុម Unicorn F.C និងក្រុម Kolbot Khmer Design F.C។

ពានរង្វាន់នេះទើបតែធ្វើឡើងជាដំបូង ហើយសម្រាប់តែនិស្សិតដែលកំពុងសិក្សាផ្នែកស្ថាបត្យកម្ម និងរចនា និងនិស្សិតផ្នែកសំណង់ស៊ីវិលតែប៉ុណ្ណោះ។ ការរៀបចំលើកដំបូងនេះមានក្រុមចូលរួមចំនួន១០ក្រុម ធ្វើការប្រកួតវិលជុំសន្សំពិន្ទុ ហើយ៤ក្រុមដែលមានពិន្ទុលើគេនឹងឡើងទៅវគ្គផ្ដាច់ព្រ័ត្រ។

សម្រាប់ជ័យលាភីលេខ១នឹងទទួលបានពាន១ មេដាយមាសម្នាក់១គ្រឿង និងទឹកប្រាក់១៥០ដុល្លារ រីឯលេខ២ទទួលបានមេដាយមាសម្នាក់១គ្រឿងនិងទឹកប្រាក់១០០ដុល្លារ។ រីឯក្រុមលេខ៣ ទទួលបានមេដាយមាសម្នាក់១គ្រឿង ទឹកប្រាក់៧០ដុល្លារ និងលេខ៤ ទទួលបានប្រាក់លើកទឹកចិត្ត៣០ដុល្លារ។

ដោយឡែកក្រុម Fair Play ទទួលទង់កិត្តិយស១ និងទឹកប្រាក់២០ដុលារ ស្របពេលដែលកីឡាករល្អជាងគេប្រចាំការព្រឹត្តិការណ៍ អ្នករកគ្រាប់បាល់បានច្រើនជាងគេ និងអ្នកចាំទីល្អជាងគេ ទទួលបានប្រាក់លើកទឹកចិត្តម្នាក់២០ដុល្លារ។

អត្ថបទ៖ អៀង សូទ្រី