កម្ពុជាត្រៀមជួបម៉ាឡេស៊ីក្នុងជំនួបមិត្តភាពថ្ងៃអាទិត្យនេះ

2015-07-07 22:58:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមកីឡាអេឡិចត្រូនិក Esport កម្ពុជាពីរក្រុមគឺអតីតក្រុមជើងឯក CCC 2013 និងជាម្ចាស់មេដាយសំរឹទ្ធពានរង្វាន់អន្តរជាតិ MATIC ពីរឆ្នាំជាប់ៗគ្នា YouWillKnow ត្រូវចាប់ដៃគូជាមួយក្រុមខ្លាំងមកពី Team Challenge Server CriminalX ដើម្បីតំណាងឱ្យកម្ពុជាជួបប្រកួតជាមួយក្រុមខ្លាំងម៉ាឡេស៊ី EDP Rog និង Team Emo ក្នុងជំនួបមិត្តភាពអន្តរជាតិនៅថ្ងៃអាទិត្យចុងសប្ដាហ៍នេះ ។

ការប្រកួតនេះធ្វើឡើងដើម្បីបង្កើនភាពស្និទ្ធស្នាល ដកស្រង់បច្ចេកទេសនិងក៏ជាការត្រៀមខ្លួនរបស់ក្រុមនីមួយៗដែលនឹងចូលរួមការប្រកួតពានរង្វាន់ប្រចាំប្រទេសនីមួយៗ នៅពេលដ៏ខ្លីខាងមុខនេះ។

ជំនួបប្រកួតមិត្តភាពនេះនឹងធ្វើឡើង Online ដូច្នេះមានន័យថាក្រុមទាំងពីរធ្វើការប្រកួតនៅលើ Server ប្រទេសនីមួយៗ។

ការប្រកួតនេះធ្វើឡើងនៅថ្ងៃអាទិត្យទី ១២ខែកក្កដាចុងសប្ដាហ៍នេះនៅ TheArena ផ្លូវមុនីវង្សជាន់ខាងលើនៃអគារ BBWorld។ សម្រាប់អ្នកគាំទ្រនិងប្រិយមិត្តក៏អាចមកទស្សនាផ្ទាល់ដោយសេរីនិងអាចមានឱកាសឈ្នះរង្វាន់ជាច្រើន។ ដោយឡែកសម្រាប់ប្រិយមិត្តដែលជាប់រវល់មិនអាចមកទស្សនាផ្ទាល់ ក៏អាចទស្សនាតាមរយៈការផ្សាយបន្ដផ្ទាល់តាម Sabaytv ឬក៏តាមដានព័ត៌មានថ្មីៗភ្លាមៗស្ដីពីការប្រកួតនេះតាមរយៈ Event Page ជាមួយ Link ខាងក្រោមផងដែរ។

https://www.facebook.com/events/942430249131784/

កាលពីឆ្នាំ២០១៤កន្លងទៅកម្ពុជាក៏ធ្លាប់រៀបចំការប្រកួតមិត្តភាពនេះម្ដងដែរដោយក្នុងនោះក្រុមYouWillKnow របស់កម្ពុជាបានប្រកួតឈ្នះអតីតជើងឯក MATIC2013 នៅប្រទេសថៃ គឺក្រុម SoD HolyAce របស់ម៉ាឡេស៊ីទាំងនៅលើ Server កម្ពុជាក៏ដូចជា Server របស់ម៉ាឡេស៊ីផងដែរ។

អត្ថបទ៖ អ៊ៅ លីហ៊រ