តារាចម្រៀងល្បីពិភពលោកសំណព្វចិត្តអ្នកគាំទ្រក្លឹបបាល់ទាត់មួយណា?

2015-07-11 17:46:08
ចំនួនមតិ 0 | ចំនួនចែករំលែក 0

ចន្លោះមិនឃើញ

បាល់ទាត់គឺជាកីឡាដ៏មានប្រជាប្រិយភាពជាងគេបំផុត ដែលមិនត្រឹមតែមនុស្សធម្មតា សូម្បីតារាល្បីៗក៏ចូលចិត្តទស្សនាខ្លាំងណាស់ដែរ។ ឥលូវយើងងាកមកមើលកំពូលតារាចម្រៀងលំដាប់ពិភពលោកវិញម្ដងថា ពួកគេស្រឡាញ់បាល់ទាត់កម្រិតណា ហើយក្រុមណាដែលពួកគេគាំទ្រ?

១. Justin Timberlake

កំពូលតារាចម្រៀងអាមេរិករូបនេះជាអ្នកគាំទ្រដ៏ស្មោះស្ម័គ្ររបស់ក្រុមបិសាចក្រហម Manchester United។ កាលពីឆ្នាំ ២០០៨ គាត់ធ្លាប់និយាយថា "ខ្ញុំជាអ្នកគាំទ្របិសាចក្រហមម្នាក់។ ខ្ញុំជាមិត្តភក្ដិរបស់ Smithy (Alan Smith) ដូច្នេះគាត់ជាកីឡាករសំណព្វចិត្តខ្ញុំ តែ Ronaldo ក៏ខ្លាំងដែរ។ គាត់អស្ចារ្យមែនទែន។ ខ្ញុំក៏ចូលចិត្ត Rooney ខ្លាំងដូចគ្នា"។

២. Shakira

នៅមុនទំនាក់ទំនងជាមួយមិត្តប្រុស Gerrad Pique ដែលជាខ្សែការពារដ៏រឹងមាំរបស់ FC Barcelona តារាចម្រៀងស្រីជនជាតិកូឡុំប៊ីរូបនេះជាអ្នកគាំទ្រដ៏ងប់ងុលម្នាក់របស់ក្លឹបគូប្រជែងស្តេចស Real Madrid។

៣. Jay Z

ស្វាមីរបស់ Beyonce គឺជាអ្នកគាំទ្ររបស់ក្លឹបកាំភ្លើងធំ Arsenal ដែលធ្លាប់ទៅគាំទ្រដល់កីឡដ្ឋានជាច្រើនលើក។ តារារ៉េបអាមេរិកដដែលធ្លាប់លើកឡើងទៀតថា បើឱកាសល្អគាត់អាចនឹងវិនិយោគលើក្លឹបបាល់ទាត់អង់គ្លេសមួយនេះទៀតផង។

៤. Enrique Iglesias

តារាចម្រៀងលំដាប់ពិភពលោករូបនេះ ជាមនុស្សដែលងប់ងល់នឹងបាល់ទាត់ម្នាក់។ កាលពីកុមារភាពគាត់ចង់ហ្វឹកហាត់ចូលលេងឲ្យក្លឹបស្តេចស Real Madrid ទៀតផង។ តែក្ដីសង្ឃឹមនេះបានរលាយបាត់ទៅវិញ ក្រោយគ្រោះថ្នាក់ចរាចរណ៍ ហើយធ្វើឲ្យគាត់ងាកទៅចាប់អាជីពជាតារាចម្រៀងរហូតមកទល់នឹងសព្វថ្ងៃ។ តារាបាល់ទាត់សំណព្វចិត្តរបស់គាត់មានដូចជា Lionel Messi អ្នកចាំទី Iker Casillas និងខ្សែបម្រើ Xabi Alonso។

៥. Adele

តារាចម្រៀងអង់គ្លេសដែលឈ្នះពានរាប់មិនអស់រូបនេះគឺជាអ្នកគាំទ្រក្រុមមាន់ខ្នាយមាស Tottenham Hotspur ត្បិតជាកន្លែងដែលនាងកើត។ ម្ចាស់ពានរង្វាន់ Grammy ៦ ពាននៅឆ្នាំ ២០១២ តែងបង្ហាញមុខគាំទ្រក្លឹបនៅកីឡដ្ឋានផ្ទាល់ជាមួយមិត្តប្រុសជារឿយៗ បើទោះក្លឹបដែលនាងស្រឡាញ់មិនសូវឈ្នះពានក៏ដោយ។

៦. Justin Beiber

តារាចម្រៀងសម្បូររឿងអាស្រូវកាណាដាក៏ចូលចិត្តបាល់ទាត់ខ្លាំងដែរ ហើយក្លឹបសំណព្វរបស់គេគឺ FC Barcelona។ កាលពីឆ្នាំ ២០១១ ម្ចាស់បទ "Boy Friend” បានទៅទស្សនកិច្ចដល់ទឹកដី Camp Nou និងលេងជាមួយក្រុមបាល់ទាត់អេស៉្បាញដដែលផង។

៧. Katy Perry

តារាចម្រៀងអាមេរិកដែលពូកែលេងពណ៌សក់ប្លែកៗគឺជា អ្នកគាំទ្រក្លឹប West Ham United។ ការគាំទ្រក្លឹបញញួរធំគឺដោយសារអតីតស្វាមីតារាកំប្លែង Russel Brand គឺជា Fan ផ្កាប់មុខរបស់ក្លឹបនេះ។

៨. Harry Styles (ក្រុមចម្រៀង One Direction)

កាលពីខែមិនា ២០១៣ Harry Styles បានប្រកាសប្រាប់ពិភពលោកថាខ្លួនជាអ្នកគាំទ្របិសាចក្រហមក្នុងការសម្ដែងរបស់ខ្លួនដោយពាក់អាវក្រុម Manchester United ដោយមានឈ្មោះ Rio Ferdinand នៅពីក្រោយផង។ មានរបាយការណ៍ថា ក្រោយការសម្ដែងនោះ អតីតខ្សែការពារជម្រើសអង់គ្លេស Rio បានបើកទ្វារភោជនីយដ្ឋានរបស់ខ្លួនដល់ម៉ោង ២ យប់ដើម្បីអាចញ៉ាំអាហារជាមួយក្រុម 1D។

៩. Miley Cyrus