“Feel Good” ភាពយន្តថៃបង្ហាញពីរូបមន្តស្នេហ៍ពិត

2015-07-15 16:43:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ជឿទេថាចង់មានស្នេហាសមប្រកបត្រូវតែមានរូបមន្ដ? សំនួរមួយនេះមានចម្លើយច្រើនរាប់មិនអស់ ប៉ុន្តែចម្លើយច្រើនយ៉ាងណាក៏ដោយ ក៏មិនស្មើនឹងបទពិសោធន៍ធ្លាប់បានជួប ឬក៏ឆ្លងកាត់នោះដែរ។ តើស្នេហាជាអ្វី? ស្នេហាពិតជាធ្វើឲ្យមនុស្សមានអារម្មណ៍រំភើបគ្រប់គ្នាមែនទេ?

«Feel Good» ជាខ្សែភាពយន្ដថ្មីមួយ ដែលឆ្លុះបញ្ចាំងពីសេចក្ដីស្នេហារវាងមនុស្សជុំវិញខ្លួន មិនថាក្រុមគ្រួសារ មិត្តភ័ក្ដ និងគូស្នេហ៍។ មុនវិស្សមកាលចូលមកដល់ សិស្សនៅក្នុងវិទ្យាល័យទាំងអស់ ត្រូវធ្វើកិច្ចការសាលាមួយបរិយាយពីសេចក្ដីស្នេហា ដែលបង្រៀនដល់លោកគ្រូវិទ្យាសាស្រ្ដមួយរូប។ តើពូកគេអាចនឹងសរសេរពីកិច្ចការនេះល្អបានដែរឬទេ ខណៈដែលពួកគេមិនយល់ថាអ្វីជាស្នេហានោះផង?

ដំណើរផ្សងព្រេងដើម្បីរកអត្ថន័យនៃក្ដីស្នេហាក៏បានចាប់ផ្ដើម។ តើពួកគេនឹងជួបរឿងអ្វីខ្លះក្នុងកិច្ចការសាលាដ៏កំប្លែងមួយនេះ? កុំភ្លេចចូលរួមទស្សនាទាំងអស់គ្នានៅរោងកុនលំដាប់អន្តរជាតិ Platinum Cineplx ផ្សារទំនើបសូរិយាជាន់ទី ៥ ចាប់ពីថ្ងៃស្អែកនេះតទៅ៕