រមណីយដ្ឋាន "បន្ទុះភ្នំភ្លើងប៉ារ៉ាហូ" មានអ្វីប្លែក?

2015-07-17 13:13:58
ចំនួនមតិ 0 | ចំនួនចែករំលែក 0

ចន្លោះមិនឃើញ

"ប៉ារ៉ាហូ" ជារមណីដ្ឋានធម្មជាតិស្រូបទាញទេសចរជាតិអន្តរជាតិយ៉ាងសកម្ម របស់ប្រទេសប្រជុំកោះ ឥណ្ឌូណេស៊ី។ រណ្ដៅជ្រៅ នៅតែហុយផ្សែងភាយៗ ស្ថិតក្នុងឧទ្យានជាតិ តាងគូបាន ប៉ារ៉ាហូ ស្ថិតនៅភាគខាងជើងក្រុងបានឌុង ប្រមាណ ៣០គីឡូម៉ែត្រ។

បុរសវ័យសាមប្លាយ មាឌធំដំបង ប៊ូហាន ជាមគ្គុទ្ទេសក៍ ប្រចាំរមណីយដ្ឋានខ្ពង់រាបមួយនេះបានឲ្យSabay ដឹងថា សម្រាប់ថ្ងៃធម្មតាក្នុងមួយថ្ងៃៗ មានភ្ញៀវទេសចរមិនតិចជាង ៥០០នាក់ទេ មកកម្សាន្ត សំណល់បន្ទុះភ្នំភ្លើងមួយនេះ។ លោកថា "ភ្ញៀវខ្ញុំភាគច្រើនគេចង់មកមើលរណ្ដៅបន្ទុះភ្នំភ្លើង និងមកយកខ្យល់អាកាសត្រជាក់ បរិសុទ្ធនៅតំបន់ភ្នំ ”។

កញ្ញា រដ្ឋា ទេសចរខ្មែរដែលបានទៅទស្សនា រមណីយដ្ឋាននេះកន្លងទៅ

ចំពោះតម្លៃសំបុត្រចូលទស្សនាវិញ ត្រូវបានបែងចែកជា ២ប្រភេទ សម្រាប់ភ្ញៀវជាតិ និងទេសចរបរទេស។ ប្រភពប្រចាំបញ្ជរលក់សំបុត្រតាំងពីជើងភ្នំ (ច្រកចូល) បញ្ជាក់ថា ២០ម៉ឺនរ៉ូពី (ប្រមាណ ១៥ដុល្លារ) សម្រាប់បរទេស និង តែ២៥ ០០០រ៉ូពី (២ដុល្លារ) ប៉ុណ្ណោះ សម្រាប់ទេសចរក្នុងស្រុក។ សម្រាប់ម៉ោងពេលបើកវិញ គឺចាប់ពីម៉ោង ៥ព្រឹក ដល់ ៥ល្ងាច។

បានឌុង ជាក្រុងមួយលំដាប់ទី៣ របស់ឥណ្ឌូណេស៊ី ដែលមានចម្ងាយខ្ទង់ ១៥០គីឡូម៉ែត្រ ពីក្រុងធំ ចាកាតា។ ក្រុងមួយនេះ មានប្រជាជន ២,៥លាននាក់ គិតត្រឹមឆ្នាំ ២០១៤។

វីដេអូ៖