ដើម្បី​ដោះ​ស្រាយ​បញ្ហា​គ្មាន​អគ្គិសនី​សម្រាប់​បញ្ចូល​ថ្ម​ទូរសព្ទ ក្រុម​អ្នក​ជំនាញ​​មួយ​ក្រុម​នៅ​រដ្ឋ​ San Francisco​ សហរដ្ឋអាមេរិក​ បាន​ផលិត​ឧបករណ៍​ទំនើប​មួយ​ឈ្មោះ ​ Candle Charger ​ដែល​ប្រើ​ពន្លឺ​ទៀន​ ដើម្បី​បញ្ចូល​ថ្ម​ Smartphone និង​ឧបករណ៍​អេឡិចត្រូនិក​​ជា​ច្រើន​ទៀត។

បើ​តាម​ការ​ឱ្យ​ដឹង​ពី​អ្នក​ជំនាញ Candle Charger នេះ​ ប្រើ​ប្រដាប់​បម្លែង​កម្តៅ (Thermoelectric generator) ដើម្បី​បម្លែង​កម្ដៅ​ពី​​ភ្លើង​ទៀន ឱ្យ​ទៅ​ជា​ថាមពល​ពល​អគ្គិសនី ដោយ​ផ្តល់​ថាមពល​​​កម្រិត ២,៥វ៉ាត់ សម​ល្មម​​អាច​ប្រើ​ដើម្បី​បញ្ចូល​ថ្ម Smartphone កាមេរ៉ា​ និង​គ្រឿង​អេឡិចត្រូនិក​ផ្សេង​ៗទៀត​បាន។

Candle Charger នេះ​ត្រូវ​បាន​បំពាក់ Thermoelectric generator ដោយ​​​មាន​កន្លែង​សម្រាប់​ចាក់​ទឹក ហើយ​បន្ទាប់​មក​យក​ទៀន​មក​ដុត​បញ្ឆេះ​ពី​ក្រោម ឲ្យ​កើត​ម្តៅ​ ហើយនឹង​​ត្រូវ​បម្លែង​ទៅ​ជា​​ថាមពល​អគ្គិសនី​​។

បច្ចុប្បន្ន​គម្រោង​ផលិត​ឧបករណ៍​ Candle Charger ត្រូវ​បាន​ផ្សព្វផ្សាយ​នៅ​លើ​គេហទំព័រ Kickstarter ដើម្បី​រៃអង្គាស​ប្រាក់​ឱ្យ​គ្រប់​ចំនួន ហើយ​នឹង​ដាក់​លក់​លើ​ទីផ្សារ​ក្នុង​តម្លៃ ៦៥ដុល្លារ ក្រោយ​ពេល​គម្រោង​ទទួល​បាន​ជោគជ័យ៕ ​​

https://www.youtube.com/watch?v=10KdqhN1kdI

ប្រែ​សម្រួល៖ ប៉ែត ផាន់និត

ប្រភព៖ dailymail