ភរិយា ស៊ុក សុភា កៀរគរម្ចាស់ជំនួយជួយឧបត្ថម្ភលោកតាលោកយាយជាប្រាក់ប្រចាំខែ

2015-07-20 20:31:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ភរិយាតារាសម្ដែង ស៊ុក សុភា អ្នកនាង សារីណា បាន និងធ្វើបេសកកម្មមនុស្សធម៌ថ្មីមួយ ដោយកៀរគរម្ចាស់ជំនួយនានា មកចូលរួមជួយឧបត្ថម្ភពលរដ្ឋចាស់ជរានៅតាមតំបន់នានាក្នុងប្រទេសកម្ពុជា ដោយផ្ដល់ប្រាក់ឧបត្ថម្ភប្រចាំខែដល់ពួកគាត់។

សារីណា ថ្លែងថា “មូលនិធិរបស់ខ្ញុំ រកបានជំនួយខ្លះពីការចែករំលែករបស់សប្បុរសជននានា អីចឹងហើយ ខ្ញុំគ្រោងឧបត្ថម្ភពលរដ្ឋចាស់ជរារបស់យើងពី ២០ ទៅ ៣០ដុល្លារ ប្រចាំខែជូនពួកគាត់ ធ្វើយ៉ាងណាជួយសម្រាលការលំបាកក្នុងជីវភាពគាត់សម្រាប់ជីវិតចុងក្រោយ។"។

ភរិយាតារាសម្ដែង ស៊ុក សុភា អ្នកនាង សារីណា បានបើកមូលនិធិមួយឈ្មោះ SS Fundraiser ស្វែងរកជំនួយពីសប្បុរសជននានា ដើម្បីជួយទុរគតជននានាក្នុងប្រទេសកម្ពុជា។ តាមរយៈមូលនិធិនេះ កន្លងមកនាងបាន សាងសង់សាលាបឋមសិក្សា អូរទឹកវិល ក្នុងភូមិអូរយាយតា ស្រុកសំពៅលូន ខេត្តបាត់ដំបងដោយបានចំណាយថវិកាជំនួយអស់ប្រមាណ ៤.១០០ ដុល្លារអាមេរិក។

បន្ថែមពីលើនេះ អ្នកម្ដាយកូន ៥នាក់រូបនេះ ក៏បានជួយសម្រួលដល់ការលំបាករបស់សន្តិសុខស្ម័គ្រចិត្ត ហោ ម៉ៅ ក៏ដូចជាសិល្បករជើងចាស់លោកតា ផ្លុង មឿក និងតារាចម្រៀងលោក នូ ស៊ឹប ទៀតខណៈពួកគាត់កំពុងមានជំងឺប្រចាំកាយផងនោះ។ ដោយឡែកផែនការជួយពលរដ្ឋខ្មែរចាស់ជរាដោយឧបត្ថម្ភជាប្រាក់ប្រចាំខែនាពេលនេះ គឺជាសកម្មភាពថ្មីមួយទៀត។

"ខ្ញុំបានប្រកាសពីការរកជំនួយ ហើយក៏មានមិត្តភ័ក្ដិ ចូលមកសួរថាចង់ជួយ ខ្ញុំក៏អោយជួយលោកយាយពិការភ្នែកទាំងសងខាង ហើយមិត្តខ្ញុំឃើញគាត់អញ្ចឹងទើបថាចង់ជួយគាត់រហូត ហើយខ្ញុំក៏រកវិធីជួយ និងរកអ្នកជួយបានពីរបីនាក់ទៀតហើយ"។

nbsp;

លោកតាលោកយាយប៉ុន្មាននាក់ ស្ថិតក្នុងផែនការផ្ដល់ជំនួយនេះហើយ ព្រោះ SS Fundraising រកបានម្ចាស់ជំនួយរួចហើយ។ សារីណា ប្រាប់ទៀតថា ជំនួយសប្បុរសធម៌នេះ គ្រោងផ្ដល់ជាអចិន្ត្រៃយ៍ជូនដល់ចាស់ជរាទាំងឡាយតាមតំបន់នានា ប្រសិនបើមិនមានការផ្លាស់ប្ដូរដោយប្រការចាំបាច់ណាមួយពីភាគីទាំងសងខាង។

"ការដែលយើងធ្វើនេះគឺចង់អោយពួកគាត់ស្គាល់ភាពស្រណុកស្រួលខ្លះនៃជីវិតចុងក្រោយរបស់ពួកគាត់។ យើងខ្ញុំសុំជូនកាដូនេះដល់ លោកតាលោកយាយដែលគ្មានទីពឹង។ ពេលនេះពួកខ្ញុំទើបតែរកបានអ្នកជំនួយជួយលោកតាម្នាក់ និងលោកយាយពីរនាក់។ បើមានបងប្អូនណា មានចិត្តសប្បុរសធម៌ចង់ជួយដល់ពួកគាត់គឺមួយថ្ងៃតែ១ដុល្លារទេ។ តែ១ដុល្លារ ដែលគ្មានន័យសម្រាប់ពួកយើងដែលរស់នៅស្រុកគេ គឺមានតម្លៃណាស់សម្រាប់ពួកគាត់"។ សារីណា បន្ថែម៕