រឿង "សាមកុក" ទាំងពីរជំនាន់មួយណាល្អមើលជាង?

2015-07-22 14:05:48
ចំនួនមតិ 0 | ចំនួនចែករំលែក 0

ចន្លោះមិនឃើញ

"សាមកុក" ជាប្រភេទរឿងប្រលោមលោកបុរាណដែលបរិយាយអំពីប្រវត្តិសាស្ត្ររបស់ប្រទេសចិននៅពេលបែងចែកនគរជាបីគឺ Wei , Shu និង Wu ។ ចំណែកឯតួសំខាន់ៗក្នុងរឿងមានដូចជា លីវ ប៉ី, ចាង ហ្វៃ, គួន យូនិង ឆាវឆាវ។ រឿងនេះត្រូវបានថតជារឿងភាគពីរដងគឺ “Romance of the Three Kingdoms” នៅឆ្នាំ១៩៩៤ និង "Three Kingdoms” នៅឆ្នាំ២០១០។ ជឿជាក់ថាប្រិយមិត្តមួយចំនួនប្រាកដជាធ្លាប់មើលរឿងទាំង២ស៊េរីនេះ។ ដូច្នេះគិតថារឿងមួយណាល្អមើលជាងគេ?

១. Romance of the Three Kingdoms (១៩៩៤)

រឿងស៊េរីដំបូងនេះចាប់ផ្ដើមចាក់ផ្សាយដំបូងក្នុងឆ្នាំ១៩៩៤ និងផលិតដោយទូរទស្សន៍ចិន CCTV។ រឿងនេះមានចំនួន៨៤ភាគនិងមួយភាគមាន៤៥នាទី។ ចំណុចអស្ចារ្យនៃរឿងបុរាណចិននេះ គឺការចំណាយពេលជាង៤ឆ្នាំទើបបញ្ចប់ការថតរួចរាល់និងមានតួសម្ដែង ៤០០ ០០០នាក់។ រីឯតួសម្ដែងសំខាន់ក្នុងរឿងមានដូចជា Sun Yanjun ដើរតួជា លីវ ប៉ី, Bao Guo'an សម្ដែងជា ឆាវឆាវ, Lu Shuming ធ្វើជា គួន យូនិង Li Jingfei ជា ចាង ហ្វៃ។

២. Three Kingdoms (២០១០)

ចំពោះរឿងថ្មីនេះក៏មិនសូវមានភាពប្រែប្រួលពីស៊េរីទីមួយប៉ុន្មានទេគឺគ្រាន់តែប្ដូរតួសម្ដែងថ្មីប៉ុណ្ណោះ។ " Three Kingdoms” ដឹកនាំសម្ដែងដោយ Gao Xixi និងបានចំណាយលើការថតអស់ទឹកប្រាកប្រមាណ ១៨០លានយន់ (ប្រហែល ៣០លានដុល្លារ) ហើយបានចាក់បញ្ចាំងផ្សាយដំបូងក្នុងខែឧសភាឆ្នាំ២០១០។ រឿងនេះមានការគាំទ្រច្រើនទាំងក្នុងស្រុកនិងក្រៅប្រទេស ហើយក្នុងខែឧសភាឆ្នាំ២០១២ វាបានរកប្រាក់ចំណូលដល់ទៅ ៨០០លានយន់ (ប្រមាណ១៣៣,៣លានដុល្លារ)។ តារាសម្ដែងសំខាន់ក្នុងរឿងរួមមាន៖ Chen Jianbin ធ្វើជា ឆាវឆាវ, Yu Hewei សម្ដែងជា លីវ ប៉ី, Yu Rongguang ដើរតួជា គួន យូនិង Kang Kai ជា ចាង ហ្វៃ។