វីរនារីថាងបង្ហាញខ្លួនជាមួយក្បាច់គុនកាំបិតស្នៀតថ្មី

2015-07-23 22:08:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រវត្តិរបស់ហ្គេមនិស្ស័យស្នេហ៍ដាវទេព JX II ត្រូវបានបង្កើតឡើងតាមរយៈរឿងព្រេងបុរាណចិនដ៏យូរលង់ណាស់មកហើយ ដែលនិយាយអំពីការប្រមូលផ្ដុំនូវអ្នកគុននិយមគ្រប់បក្សក្នុងសម័យសង្គ្រាមឥតឈប់ឈរ ដើម្បីដណ្ដើមយកលេខ១ក្នុងពិភពគុន។

ក្រោយការបង្ហាញខ្លួនរបស់អធិរាជកាំបិតធំបក្សម៉ីង ដែលទទួលបានការគាំទ្រយ៉ាងច្រើននាពេលកន្លងមក ឥឡូវនេះកាន់តែពិសេសជាងនេះទៅទៀតនោះ និស្ស័យស្នេហ៍ដាវទេពនឹងធ្វើការបន្ថែមនូវសាខាបក្សថាងថ្មីមួយទៀតគឺបក្សថាងកាំបិតស្នៀតឬវីរនារីថាងដែលនឹងមកដល់នៅថ្ងៃទី ២៨ ខែកក្កដានេះ។

ជាមួយក្បាច់គុនបែបថ្មីប្លែក ហើយរស់រវើករបស់បក្សនេះ ជឿជាក់ថាអ្នកកម្សាន្តទាំងអស់ច្បាស់ជារីករាយជាក់ជាពុំខាន ព្រោះការប្រើកាំបិតស្នៀតដ៏តូចហើយមុតស្រួចបែបនេះធ្វើឲ្យគ្រប់សាច់ស្នៀតទាំងអស់ មានភាពងាយស្រួលក្នុងការប្រើប្រាស់គួបផ្សំនឹងកម្លាំងធាតុដែលបញ្ចេញមកខាងក្រៅមានឥទ្ធិពលខ្លាំងទៀតផង ធ្វើឱ្យបក្សផ្សេងៗជាពិសេសបក្សធំទាំង៥មានភាពខ្លាចរអា។

ជាមួយគ្នានេះដែរអ្នកកម្សាន្តទាំងអស់អាចចាប់ផ្ដើមដំណើរផ្សងព្រេងថ្មីរបស់ខ្លួនបាននៅក្នុង នគរថ្មីដែលមានឈ្មោះថា «នគរថាង» ដែលបើកដំណើរការនៅថ្ងៃជាមួយគ្នានោះដែរ ហើយរង្វាន់ជាច្រើនបន្ថែមទៀតអ្នកអាចទទួលបានពី Novice Gift Bag ក៏ដូចជាព្រឹត្តិការណ៍ថ្មីៗជាច្រើនទៀតពី JXII។

អត្ថបទ៖ អ៉ៅ លីហ៊រ