នាយកសាលាបាល់ទាត់ជាតិបកស្រាយរូបថតមួយសន្លឹកថា អូនតូច លាងចានតាមហាងគុយទាវ

2015-08-05 19:22:15
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក កែវ សារ៉េត នាយកសាលាបាល់ទាត់ជាតិ និង ជាអ្នកចាត់ការទូទៅក្រុមបាល់ទាត់ជម្រើសជាតិកម្ពុជា ក្រោមអាយុ១៦ឆ្នាំ (U-16) ដែលកំពុងបំពេញយុទ្ធនាការធ្វើជាម្ចាស់ផ្ទះប្រកួតជម្រុះក្នុងពូល B នៃពានរង្វាន់បាល់ទាត់យុវជនតំបន់អាស៊ាន AFF BIDC U16 Championship 2015 បានបកស្រាយពីរូបថតមួយសន្លឹករបស់កីឡាករ អាត អូនតូច ដែលបណ្ដាញសង្គមយក្ស Facebook ចែករំលែកតគ្នាថាកីឡារូបនេះធ្វើការនៅតាមហាងគុយទាវ។

បណ្ដាញ facebook ចែករំលែកបន្ត

អាត អូនតូច ដែលអ្នកគាំទ្រស្គាល់ច្បាស់ក្នុងព្រឹត្តិការណ៍ខាងលើថាជាកីឡាករតូចជាងគេលើទីលាន ពាក់លេខ ១២ ដែលជាសមាជិកមកពីសាលាបាល់ទាត់ជាតិ។ លោកនាយកបានលើកឡើងថា៖ «ខ្ញុំបានពិនិត្យព្រឹកមិញម្ដងទៀតជាមួយកីឡាករផ្ទាល់ហើយ។ តាមពិតរូបថតនេះ អូនតូច គាត់ថតក្នុងពេលថ្ងៃសម្រាកបុណ្យចូលឆ្នាំ ឬ ភ្ជុំបិណ្ឌ ជួយលាងចាននៅផ្ទះអ៊ុំរបស់គេឯស្រុកកំណើតក្នុងខេត្តរតនគីរី»។ លោកបានបន្តថា ក្រៅពីហ្វឹកហាត់បាល់ទាត់ ហើយនិងសិក្សា កីឡាករទាំងអស់ស្នាក់នៅក្នុងសាលាបាល់ទាត់ជាតិមិនអនុញ្ញាត ឬ តម្រូវឱ្យធ្វើការងារផ្សេងឡើយ។

សាលាបាល់ទាត់ជាតិដែលមានទីតាំងនៅស្រុកបាទី ខេត្តតាកែវ មានចុងភៅ និងសន្តិសុខ ជាច្រើននាក់ក្នុងការមើលថាកីឡាករទាំងអស់នោះដែលស្នាក់នៅ និង ហ្វឹកហាត់រួមគ្នាតាំងពីខែ កុម្ភៈ ឆ្នាំ ២០១៤ មកម៉្លេះ។ មុននឹងអនុញ្ញាតឱ្យកីឡាករណាម្នាក់ចេញក្រៅបរិវេណសាលាបាល់ទាត់ជាតិពួកគេត្រូវឆ្លងកាត់ការយល់ព្រមពី គ្រូបង្វឹកផ្ទាល់ ពីមន្ត្រីរដ្ឋបាល និង ប្រធានសន្តិសុខ ព្រមទាំងមានមូលហេតុច្បាស់លាស់ទៀតផង។

សហព័ន្ធកីឡាបាល់ទាត់កម្ពុជា សហការជាមួយស្ថាប័នពាក់ព័ន្ធដូចជាក្រសួងអប់រំយុវជននិងកីឡា រួមទាំងគណៈកម្មាធិការជាតិអូឡាំពិកកម្ពុជា និងដៃគូឧបត្ថម្ភនានា រួមគ្នាបង្កើតសាលាបាល់ទាត់ជាតិនេះឡើង ដើម្បីបណ្ដុះបណ្ដាលកីឡាករត្រៀមខ្លួនប្រកួតពេលកម្ពុជាធ្វើជាម្ចាស់ផ្ទះកីឡាស៊ីហ្គេមឆ្នាំ ២០២៣ ខាងមុខក្នុងរាជធានីភ្នំពេញ។

គណនីពិតរបស់ អាត អូនតូច

ប្រភពបន្ថែមថាសហព័ន្ធកីឡាបាល់ទាត់កម្ពុជា បានទំនុកបម្រុងដល់កីឡាករទាំងអស់ តាំងពីស្នាក់នៅ ហូបចុក សិក្សា ព្យាបាល ហ្វឹកហាត់ ព្រមទាំងផ្ដល់ជាសម្ភារៈហ្វឹកហាត់ និង សំលៀកបំពាក់កីឡា ដល់កីឡាករទាំងអស់ដែលស្នាក់នៅក្នុងសាលាបាល់ទាត់ជាតិ៕

អត្ថបទ៖ ម៉ឺន រស្មី

ពាក្យទាក់ទង

សាលាបាល់ទាត់ជាតិ

អត្ថបទពេញនិយម

អ្នកជំនាញ កំពុងសាកល្បងផ្គុំថ្មទៅតាមលំនាំដើម នៅប្រាសាទជម

គម្រោងស្ពានផ្សារចាស់-ជ្រោយចង្វារ-អរិយក្សត្រ កំពុងស្ថិតក្នុងដំណាក់កាលណាហើយ?

គម្រោងប្រព័ន្ធធារាសាស្រ្តថ្មី២នេះ នឹងបម្រើដល់វិស័យកសិកម្មក្នុងខេត្តកំពង់ធំ យ៉ាងធំធេង

រវល់ជាមួយការងារប៉ុណ្ណាក៏ដោយ Taylor ឆ្លៀតពេលសាកថ្មជីវិតជាមួយមិត្តប្រុសយ៉ាងផ្អែមល្ហែម

ត្រឹម៥ខែប៉ុណ្ណោះ! បដិមាបុរាណខ្មែរជាច្រើន ត្រូវបានជីកកំណាយរកឃើញ និងវិលត្រឡប់ពីបរទេស

Toyota ចាយលុយដល់ ១,៤ពាន់លានដុល្លារ ដើម្បីផលិតរថយន្តអគ្គិសនីកៅអី ៣ជួរ

អត្ថបទថ្មី

រដ្ឋលេខាធិការក្រសួងអប់រំ៖ អំពាវនាវដល់គ្រប់ផ្នែកពាក់ព័ន្ធឲ្យចែករំលែកព័ត៌មានពីការប្រកួតសិស្សឧត្ដមសិក្សា

លោកបណ្ឌិត អាំង សិរីពិសិដ្ឋ រំពឹងថ្ងៃណាមួយការលេងបាល់ទះខុសបច្ចេទេសនឹងត្រូវលុបបំបាត់ទាំងស្រុង

ដំណើរចេញពីបេះដូង៖ មិត្តហ្វូន និងកាកបាទក្រហមកម្ពុជា

ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ចុះទស្សនកិច្ចនៅរោងចក្រកែច្នៃផលិតផលអាហារ និងបំលែងសាច់មាន់ក្រុមហ៊ុន ស៊ី.ភី. ខេមបូឌា

BYD ចេញឡានភីកអាប់ Hybrid ថ្មី សាកភ្លើងក៏បាន ហើយមានការ៉ាអូខេទៀត

Ronaldo បានក្លាយជាអត្តពលិករកលុយច្រើនជាងគេលើលោកនៅឆ្នាំ២០២៤