ក្រុម E-Sports អាមេរិក Evil Geniuses អស្ចារ្យមែនគ្រងជើងឯក TI5 ប្រចាំឆ្នាំ២០១៥
- 2015-08-11 18:56:42
- ចំនួនមតិ 0 | ចំនួនចែករំលែក 0
ក្រុម E-Sports អាមេរិក Evil Geniuses អស្ចារ្យមែនគ្រងជើងឯក TI5 ប្រចាំឆ្នាំ២០១៥
ចន្លោះមិនឃើញ
ឆ្លងកាត់ការប្រកួតប្រជែងយ៉ាងស្វិតស្វាញអស់រយៈពេល១១ថ្ងៃ ប្រើការប្រកួតសរុបអស់១៧៦ ប្រកួតក្នុងចំណោមក្រុមខ្លាំងទាំង១៨មកពីជុំវិញពិភពលោក ទីបំផុតក្រុមខ្លាំងរបស់អាមេរិក Evil Geniuses បានគ្រងជើងឯកក្នុងព្រឹត្តិការណ៍ប្រកួតកីឡាអេឡិចត្រូនិកអន្តរជាតិ The International 5 របស់ Dota2 ប្រចាំឆ្នាំ២០១៥នេះ សម្រាប់វគ្គផ្តាច់ព្រ័ត្រចាប់ពីថ្ងៃទី៣ ដល់ថ្ងៃទី៨ សីហា កន្លងទៅថ្មីៗនេះ។
Evil Geniuses បញ្ចប់ក្នុងចំណាត់ថ្នាក់លេខ១ក្នុងពូលB ក្រោយប្រកួត៧ប្រកួតមាន១៣ពិន្ទុស្មើជាមួយក្រុម CEDC Gaming របស់ចិន។ តាមរូបមន្តប្រកួតរបស់ Dota2 ក្រុមខ្លាំងចំនួន៤ក្នុងពូលនីមួយៗត្រូវឡើងទៅប្រកួតខ្វែងនៅ Upper Bracket ខណៈក្រុមលេខ៥ដល់លេខ៨ទាំងពីរពូលត្រូវប្រកួតខ្វែងនៅ Lower Bracket។
នៅ Main Event ក្រុមអាមេរិក Evil Geniuses បានឈ្នះក្រុមលំដាប់លេខ២របស់អាមេរិកដូចគ្នា CompLexity Gaming ២-០ ហើយបន្ដបំបាក់ក្រុម EHOME របស់ចិន ២-១ តែត្រូវធ្លាក់មក Lower Bracketវិញក្រោយចាញ់ CDEC Gaming របស់ចិន ២-០ ទោះបីជាយ៉ាងណាក៏ដោយ Evil Geniuses បានបំបាក់ក្រុម LGD ២-០ នៅវគ្គពាក់កណ្ដាលផ្ដាច់ព្រ័ត្រមុនបានឱកាសត្រឡប់ទៅសងសឹក CDEC ៣-១ វិញនៅវគ្គផ្ដាច់ព្រ័ត្រហើយគ្រងតំណែងជើងឯកតែម្ដង។
ការប្រកួត Dota2 The International ធ្វើឡើងចំនួន៥ដងរួចមកហើយគិតចាប់តាំងពីឆ្នាំ២០១១មក។ ចង់ដឹងក្រុមណាខ្លះធ្លាប់ឈ្នះពានរង្វាន់នេះសូមទស្សនាតារាងខាងក្រោម។
ការប្រកួត |
ក្រុមជើងឯក |
The International 1 |
Natus Vincere (អ៊ុយក្រែន) |
The International 2 |
Invictus Gaming (ចិន) |
The International 3 |
Alliance (ស៊ុយអែត) |
The International 4 |
NewBee (ចិន) |
The International 5 |
Evil Geniueses (អាមេរិក) |
អ្នកចូលរួមតស្សនារាប់ពាន់នាក់
អត្ថបទ៖ អ៊ៅ លីហ៊រ