អតីតតួស្រីមោឃៗជំនះម្តាយព្រោះតែ សុគន្ធ ថេរ៉ាយុ

2015-08-13 16:07:59
ចំនួនមតិ 0 | ចំនួនចែករំលែក 0

ចន្លោះមិនឃើញ

តក់ ពិសី អតីតតួស្រីមោឃៗក្នុងបទចម្រៀង "ស្រីមោឃម្នាក់ក៏ស្រឡាញ់បង" បានជំនះ និងព្យាយាមពន្យល់ប្រាប់អ្នកម្តាយដើម្បីឲ្យបំណងខ្លួនបានសម្រេចក្នុងការប្រឡូកវិស័យសិល្បៈ ។ជាមួយគ្នាដោយសារមានការជុំរុញ និងលើកទឹកចិត្តពីតារាចម្រៀង លោក សុគន្ធ ថេរ៉ាយុ ផងដែរ។

“ ចាសបង...ឥឡូវនេះខ្ញុំបានប្រឡូកចូលសិល្បៈពេញទំហឹងហើយបង បន្ទាប់ពីមានការជ្រោមជ្រែងពីបង ថេរ៉ាយុ ពេលដែលខ្ញុំបានឡើងលេងនៅក្នុងកម្មវិធី "ស្នេហ៍អាថ៌កំបាំង" ហើយឈ្នះបានទៅញ៉ាំអាហារពេលល្ងាចជាមួយគាត់"។ ពិសី ថ្លែង។

អតីតតួស្រីមោឃៗរូបនេះបន្តទៀតថា តាំងតែពីដើមឡើយម្តាយរបស់នាងមិនដែលបើកឱកាសឲ្យកូនស្រីរបស់ខ្លួនចូលសិល្បៈនោះទេ។ សាម៉ីខ្លួនក៏មិនបានជំទាស់នឹងគំនិតអ្នកម្តាយដែរប៉ុន្តែនាងនៅតែមិនបោះបង់ចោលទាំងស្រុងនោះទេនៅតែបន្តថតស្បតតិចតួច មុនពេលអ្នកមានគុណបើកផ្លូវនាពេលថ្មីៗនេះ។

ទោះបីយ៉ាង ពិសី បានដាក់មានលក្ខខណ្ឌគឺមិនឲ្យបោះបង់ចោលការសិក្សាដាច់ខាត៖ “ថ្វីត្បិតតែខ្ញុំបានចូលសិល្បៈពេញទំហឹងមែនបង...ប៉ុន្តែម៉ាក់គាត់មានលក្ខខណ្ឌគឺដាច់ខាតហាមបោះបង់ចោលការសិក្សា ត្រូវធ្វើយ៉ាងណាប្រឹងរៀនឲ្យបានចប់ចុងចប់ដើមដែរបង"។ ពិសី និយាយមកកាន់ Sabay។

មិនមែនមានតែអ្នកម្តាយរបស់ពិសីប៉ុណ្ណោះទេដែលហាមឃាត់រូបនាងមិនឲ្យប្រឡូកក្នុងវិស័យនេះ នាងប្រាប់ថានៅមានបងប្អូនដទៃទៀត ក៏មិនពេញចិត្តចំពោះការចាប់យកអាជីពនេះដែរ ព្រោះតែពួកគេមានការបារម្ភ ដោយសារយល់ថានៅក្នុងវិស័យសិល្បៈ អាចប្រឈមនឹងរឿងមិនល្អនានា។ នេះជារឿងមួយ ឯរឿងមួយទៀត គឺរមែងមានឈុតស្នេហាដែលម្ដាយមិនចូលចិត្ត និងពេលខ្លះការថត តម្រូវឲ្យទីតាំងឆ្ងាយៗ ដូចជានៅតាមខេត្តជាដើម ម្ដាយក៏មិនចង់ឲ្យទៅដែរ។

យ៉ាងណា បញ្ហាទាំងឡាយត្រូវបានដោះស្រាយ ដោយពិសី ទទួលយកលក្ខខណ្ឌរបស់ម្ដាយ គឺនឹងតស៊ូរៀនឲ្យចប់ចុងចប់ដើម។ ក្រោយទទួលបានភ្លើងខៀវពីម្ដាយ យុវតីវ័យ២១រូបនេះ បញ្ជាក់ទៀតថា ឥឡូវនេះរូបនាងកំពុងតែធ្វើជាពិធីការនីនៅក្នុងកម្មវិធី "១០១ ways" ដោយចាប់ដៃគូជាមួយ អែនប៊ី របស់ទូរទស្សន៍ Mytv បានជាងមួយខែហើយ។

មុននឹងឈានជើងក្លាយជាពិធីការនីក្នុងកម្មវិធីខាងលើ ពិសី បានប្រាប់ថា ដោយសារខាងអ្នកដឹកនាំកម្មវិធីមើលឃើញពីសមត្ថភាពនាងពេលឡើងលេងនៅក្នុងកម្មវិធី "ស្នេហ៍អាថ៌កំបាំង"របស់ទូរទស្សន៍CTN។ ថ្មីៗនេះ ពិសី ទើបតែថតឲ្យខាងទស្សនាវដ្តី Justeen Magazine និង Ladies Magazine ផងដែរ៕

អត្ថបទ៖ ថា ម៉ាលីដា