សមាជិកក្រុម MBLAQ ផ្ទុះអំពើហិង្សាជាមួយមេអំឡុងពេលផឹកស៊ីជាមួយគ្នា

2015-09-11 22:45:36
ចំនួនមតិ 0 | ចំនួនចែករំលែក 0

ចន្លោះមិនឃើញ

Seungho សមាជិកក្រុមចម្រៀងកូរ៉េខាងត្បូង MBLAQ ត្រូវបានចាងហ្វាងផលិតកម្មរបស់ខ្លួនវាយ អំឡុងពេលពួកគេចូលផឹកស៊ីក្នុងបាមួយកន្លែងនៅតំបន់ Gangnam ទីក្រុងសេអ៊ូល ប្រទេសកូរ៉េខាងត្បូង។

ហេតុការណ៍ខាងលើបានកើតឡើងនៅវេលាម៉ោង ៣:១០នាទីទៀបភ្លឺក្នុងបារាត្រីមួយដែលគេមិនបានបង្ហាញឈ្មោះក្នុងសង្កាត់ SinsaDong តំបន់ Gangnam ។ ក្រោយបញ្ហានេះផ្ទុះឡើង មន្ត្រីប៉ូលិសក្នុងតំបន់ Gangnam បានកោះហៅភាគគីទាំងពីរមកធ្វើការស៊ើបសួរ និងស៊ើបអង្កេតស្វែងរកការពិត។

អំឡុងពេកសាកសួរ Seungho បានប្រាប់ទៅប៉ូលិសថា ចាងហ្វាងផលិតកម្មរបស់គេបានវាយគេនឹងកែវ។ បន្ទាប់ពីសួរភាគីទាំងសងខាងរួចរាល់ ខាងចាងហ្វាងផលិតកម្មបានសារភាពថា រូបគេពិតជាបានវាយកូនចៅមែន ដោយសារគេបានប្រើពាក្យមិនសមរម្យអំឡុងពេលផឹកស៊ីជាមួយគ្នា។ រីឯ Seungho ក៏សារភាពដែរថា ក្រោយចាងហ្វាងផលិតកម្មបានវាយមកលើខ្លួន គេក៏បានតដៃទះកំផ្លៀងមេវិញដែរ។

យ៉ាងណាក្ដីរឿងនេះមិនទាន់ចប់នៅឡើយទេ មន្ត្រីប៉ូលិសនៅតែបន្តស៊ើបអង្កេតឲ្យបានច្បាស់លាស់ថានរណាត្រូវនរណាខុសពិតប្រាកដ៕

ចុចអាន៖Sulli រងសម្ដីរិះគន់ថា “ជាស្រីរកស៊ីផ្លូវភេទ”

ប្រែសម្រួល៖ ហេង សុធារិទ្ធិ ប្រភព៖ koreaboo