យុវវ័យសៀមរាបអបអរសាទររោងភាពយន្តទំនើបដំបូង Platinum Cineplex

2015-09-15 21:49:22
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីសប្ដាហ៍មុនរោងភាពយន្តបែបទំនើប Platinum Cineplex បានបង្ហាញវត្តមានលើទឹកដីសៀមរាបហើយ ត្រូវបានយុវវ័យអបអរសាទរ និងជាការទន្ទឹងរង់ចាំជាយូរមកហើយ។ តោះស្ដាប់អ្នកនៅសៀមរាបនិយាយពី Platinum Cineplex ទាំងអស់គ្នា៖

កញ្ញា វលក្ខ អាយុ ២០ ឆ្នាំ បានឲ្យដឹងថា៖ "ការបើករោងភាពយន្ត Platinum Cineplex ដែលមានលក្ខណៈទំនើបនេះគឺល្អ ព្រោះវាជាចំណាប់អារម្មណ៍របស់យុវវ័យ ក៏ដូចជាក្មេងៗ។ ណាមួយពួកគេអាចមានកន្លែងដើរកម្សាន្តផង ដោយថ្ងៃទំនេរពីការសិក្សា មិនដឹងទៅណាអាចមកទីនេះបាន។”

អ្នកលក់ផលិតផលថែរក្សាសម្រស់ខាងលើបានឆ្លើយនូវសំណួរថា៖ "ចុះការមើលកុននេះវាមិនអាចធ្វើឲ្យប៉ះពាល់ដល់ការសិក្សារបស់ប្អូនៗដែរឬ ទេ? នាងបានឆ្លើយយ៉ាងរហ័សថា "វាគ្មានប៉ះពាល់អ្វីដល់ការសិក្សារបស់ពួកសិស្សៗ ឡើយព្រោះពួកគេទំនេរបានពួកគាត់មកមើល ហើយយុវវ័យបច្ចុប្បន្នគិតគូរពីការសិក្សាណាស់ដោយពួកគាត់ចង់បានចំណោះដឹង និងការកម្សាន្តទន្ទឹមគ្នា និងជាវិធីសម្រាលខួរក្បាលមួយបែប។”

ជាចុងក្រោយកញ្ញាបានបន្ថែមថា សៀមរាបគឺជាតំបន់ទេសចរ ដ៏មានសក្ដានុភាពដែលទាក់ទាញភ្ញៀវទេសចរណ៍អន្តរជាតិ ដូចនេះវាជួយឲ្យប្រជាជនអាចរកចំណូលបានច្រើនថែមទៀត។

រូបតំណាង

"ការបើកសម្ពោធរោងកុនទំនើបដំបូងបំផុតនៅសៀមរាបនេះ គឺជារឿងល្អ ដើម្បីឲ្យអ្នកនៅសៀមរាបបានដឹងពីភាពយន្តថ្មីៗ ដែលនៅទូទាំងពិភពលោកបានទស្សនា ហើយអ្នកនៅទីនេះបានទស្សនាដូចគ្នា។" នេះជាសម្ដី កញ្ញា គន្ធា អាយុ ២៩ ឆ្នាំ ជាអ្នកធ្វើការក្រុមហ៊ុនឯកជន និង ជាអ្នករស់នៅខេត្តសៀមរាបផ្ទាល់។

រីឯ បុរសសង្ហារ រិទ្ធី វិញបានបង្ហាញចំណាប់អារម្មណ៍ក្នុងពេលបើកសម្ពោធរោងភាពយន្តបែបទំនើប Platinum Cineplex នេះថា "ឥឡូវនេះអ្នកសៀមរាបអាចមើលកុនបែប 3D ដូចអ្នកនៅភ្នំពេញដែរ និងអាចដើរទាន់បច្ចេកវិទ្យាទំនើបដូចគេហើយ។”

Platinum Cineplex សាខាសៀមរាបទើបសម្ពោធឲ្យដំណើរការកាលពីរាត្រី ថ្ងៃសៅរ៍ ១២ សប្ដាហ៍មុន ក្រោមវត្តមានតារាល្បីៗ និងអ្នកជំនួញតូចធំជាច្រើនដែលធ្វើឲ្យកក្រើកខេត្តសៀមរាប៕