ពិព័រណ៍ចិន-អាស៊ានលើកទី ១២ ប្រកាសបើកជាផ្លូវការកាលពីព្រឹកមិញនេះ

2015-09-18 22:11:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍ដ៏សំខាន់ និង ធំមួយសម្រាប់ចក្ខុវិស័យផ្លូវសូត្រ ពិព័រណ៍ចិន-អាស៊ាន និងកិច្ចប្រជុំមុខជំនួញ និង ការវិនិយោគចិន-អាស៊ាន លើកទី ១២ ឆ្នាំ ២០១៥ ត្រូវបានប្រកាសបើកជាផ្លូវការនៅទីក្រុងណានីង ខេត្តគ័ងស៊ី ប្រទេសចិន កាលពីព្រឹកមិញ។

ឯកឧកត្តម ទេសរដ្ឋមន្ត្រី ស៊ុន ចាន់ថុល កាត់ខ្សែបូពីមុខស្តង់ផលិតផលកម្ពុជា

ឆ្នាំនេះមានគោលដៅជាឆ្នាំនៃកិច្ចសហប្រតិបត្តិការផ្លូវសមុទ្ររបស់ចិន-អាស៊ាន និង ជាឆ្នាំដំបូងនៃការអនុវត្តយ៉ាងពេញលេញនៃគម្រោងសាងសង់ខ្សែក្រវាត់តែមួយ ផ្លូវតែមួយ។ អង្គពិធីទាំងមូលទទួលបានការចូលរួមពីថ្នាក់ដឹកនាំសំខាន់ៗនៃប្រទេសអាស៊ានទាំងដប់ ដោយមានប្រទេសថៃជាប្រទេសកិត្តិយស និងសាធារណរដ្ឋកូរ៉េជាប្រទេសភ្ញៀវពិសេស។

ពិព័រណ៍ចិន-អាស៊ានលើកទី១២នេះ ប្រព្រឹត្តិទៅពីថ្ងៃទី១៨ ដល់២១កញ្ញា ដោយមានស្តង់ប្រមាណជាង៥៥០០ស្ដង់ ដែលមាន៨៨ស្តង់ដាក់តាំងបង្ហាញផលិតផលខ្មែរ ចូលរួមពីក្រុមហ៊ុនប្រមាណ៧០ក្រុមហ៊ុន។ ក្រោយបញ្ចប់ការប្រកាសបើកជាផ្លូវការនៃការតាំងពិព័រណ៍នេះ ឯកឧត្តម ទេសរដ្ឋមន្ត្រី ស៊ុន ចាន់ថុល និងជារដ្ឋមន្ត្រីក្រសួងពាណិជ្ជកម្មក៏បានអញ្ជើញទស្សនាស្ដង់របស់អាជីវករខ្មែរផងដែរ៕