បារខែម​ភ្នំពេញ ២០១៥ ជា​ព្រឹត្តិការណ៍​ជួបជុំ​នៃ​ក្រុម​អ្នក​ជំនាញ​បច្ចេកវិទ្យា ​ច្នៃប្រឌិត សហគ្រិន​វ័យ​ក្មេង អង្គការ​សង្គម​ស៊ីវិល ថ្នាក់​ដឹកនាំ​អាជីវកម្ម សាស្ត្រាចារ្យ សិស្ស និង​និស្សិត ដើម្បី​ចែករំលែក ចំណេះដឹង​និង​បទពិសោធន៍​ជុំវិញ បច្ចេកវិទ្យា អាជីវកម្ម និង​ការ​អភិវឌ្ឍន៍​អាជីព ក៏​ដូច​ជា​ការ​​ត្រៀម​ខ្លួន​សម្រាប់ សមាហរណកម្ម អាស៊ាន ២០១៥ ខាងមុខ។

ព្រឹត្តិការណ៍​បារខែម​ឆ្នាំ​នេះ​នឹង​មាន​ប្រធានបទ​ជាច្រើន​ទាក់ទង​នឹង​​ចំណុច​ទាំង​៤​ខាងក្រោម៖

1. បច្ចេកវិទ្យា | Technology ចែករំលែក​បទពិសោធន៍​នា​យុគសម័យ​ចុងក្រោយ​ ចង់​ដឹង​ថា​មាន​របកគំហើញ​អ្វី​ថ្មីៗ និង​ភាព​ជោគជ័យ​អ្វីខ្លះ ទាក់ទង​នឹង​វិស័យ​បច្ចេកវិទ្យា។ ស្នាដៃ​ថ្មីៗ​របស់​កូន​ខ្មែរ​ជាច្រើន នឹង​ត្រូវ​លើក​យក​មក​បង្ហាញ​នៅ​ក្នុង​ព្រឹត្តិការណ៍​បារខែម ​រួម​ទាំង​​វាគ្មិន​ល្បី​ៗ​ អ្នក​ជំនាញៗ ជា​ច្រើន​រូប ដែល​មាន​បទ​ពិសោធន៍​ ច្រើន​ក្រាស់ក្រែល​ទាក់ទង​នឹង​វិស័យ​បច្ចេកវិទ្យា​ ​បាន​ត្រៀម​ខ្លួន​រួច​ជា​ស្រេច​ ក្នុង​ការ​ចែករំលែក​ចំណេះដឹង​ក្នុង​ព្រឹត្តិការណ៍​ដ៏​សំខាន់​មួយ​នេះ។

  2. អាជីព​ការងារ | Career Development ​ការ​កសាង​គ្រឹះ​រឹងមាំ​សម្រាប់​អាជីព​ការងារ ជា​ចំណុច​សំខាន់ នៅ​ថ្ងៃ​ព្រឹត្តិការណ៍​បារខែម​អ្នកចូលរួម​នឹង​មានឱកាស​ជួប​ជា​មួយ​អ្នក​ជំនាញ​ធនធានមនុស្ស​​សម្រាប់​វិស័យ​បច្ចេកវិទ្យា ​អ្នក​ជោគជ័យ​ក្នុង​ការងារ​ អ្នក​ឯកទេស​ និង​​ទំនាក់ទំនង​ នឹង​មក​ចែក​រំលែក​បទ​ពិសោធន៍​ជាក់ស្ដែង ការ​ផ្តល់​អនុសាសន៍ ​យុទ្ធសាស្ត្រ​ ក្នុង​អាជីព​ការងារ ការ​ស្វែង​រក​ការងារ ឬ​អាហារូបករណ៍។

  3. រចនា ច្នៃប្រឌិត | Creative ការ​រចនា ច្នៃប្រឌិត ស្នាដៃ​សិល្បៈ ដែល​មាន​មាន​ទឹក​ដៃ​យ៉ាង​ប៉ិនប្រសប់ គួប​ផ្សំ​ជា​មួយ​នឹង​គន្លឹះ បច្ចេកទេស វិធី និង​ជំនាញ​ផ្សេងៗ​ក្នុង​បច្ចេកវិទ្យា​សម័យ​ទំនើប វប្បធម៌  អ្នក​ចូលរួម​នឹង​ជួប​ជា​មួយ​ ​អ្នក​មាន​ជំនាញ​ច្បាស់​ នឹង​មក​ធ្វើ​ការ​ចែករំលែក នៅ​ក្នុង​ព្រឹត្តិការណ៍​នេះ​ផង​ដែរ។ លោកអ្នក​ក៏​មាន​ឱកាស​ សម្រាប់​ការ​បង្ហាញ​បង្អួត​ស្នាដៃ​របស់​លោក​អ្នក ឲ្យ​គ្រប់គ្នា​បាន​ឃើញ​។

  4. សហគ្រិនភាព | Entrepreneurship អ្នក​ចាប់​ផ្ដើម​ជំនួញ​ដំបូង អ្នកជំនួញ​  តែងតែ​ចូលរួម​ក្នុង​ព្រឹត្តិការណ៍​បារខែម​ដើម្បី​ទំនាក់ទំនង​ជំនួញ និង​ផ្ដោះផ្ដង​យោបល់ សម្រាប់​អភិវឌ្ឍ​ជំនួញ​របស់​ពួក​គេ ជា​ឱកាស​សម្រាប់​អ្នក​ដែល​ចង់​ស្វែងយល់​បន្ថែម​សម្រាប់ភាព​ជា​សហគ្រិន​​ ​និង​ស្តាប់​នូវ​បទ​ពិសោធន៍​នៃ​ភាពជោគជ័យ ភាព​បរាជ័យផ្សេងៗគ្នា​ ។ ក្រៅពី​បទ​បង្ហាញ​នៃ​ការ​ចែករំលែក​ចំណេះដឹង ក៏​មាន​ការ​តាំង​ពិព័រណ៍​បង្ហាញ​ស្នាដៃ​នៃ​ដំណោះស្រាយ​បច្ចេកវិទ្យា​ថ្មីៗ សេវាកម្ម​និង​កម្មវិធី​កុំព្យូទ័រ ទូរស័ព្ទ Robotics, Drone បច្ចេកវិទ្យា​សិល្បៈ ជា​ដើម។

  1.សម្រាប់​លោកអ្នក​ចង់​ចុះឈ្មោះ​ដើម្បីធ្វើ​បទបង្ហាញ​  តំណ ៖ goo.gl/58TIfD 2.សម្រាប់​ចុះឈ្មោះ​ចូលរួម និង​មាន​ឱកាស​ទទួល​បាន​អាវយឺត តំណ៖ https://barcamppp15.eventbrite.com/ 3. សម្រាប់​អង្គភាព​មិន​ស្វែងរក​ប្រាក់ចំណេញ ត្រូវការ ស្តង់​ពិព័រណ៍​ឥតគិតថ្លៃ (ចំនួន​មាន​កំណត់) សូម​បំពេញ​ពាក្យ​តាម​តំណ៖ goo.gl/dHJtMd

សម្រាប់​ព័ត៌មាន​បន្ថែម លោក ជី សុផាត, អ្នក​រៀបចំ​កម្មវិធី Email: info@barcampphnompenh.org Mobile: 077 590 555