ចិនសាងសង់តំបន់ពិសោធន៍សំខាន់តុងស៊ីងតភ្ជាប់ទៅប្រទេសអាស៊ាន

2015-09-21 21:35:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីក្រុងតុងស៊ីងត្រូវបានចាត់ទុកជាតំបន់តែមួយគត់ ដែលដើរតួយ៉ាងសំខាន់ក្នុងការឆ្ពោះទៅបណ្ដាប្រទេសក្នុងអាស៊ាន ដោយរួមមានទាំងកម្ពុជាផង។ ជាមួយនឹងអំណោយផលពីធម្មជាតិនូវតំបន់ដីគោក និង ឆ្នេរសមុទ្រ តំបន់ពិសោធន៍សំខាន់តុងស៊ីងសម្រាប់ការអភិវឌ្ឍ និង បើកចំហ (the Guangxi Dongxing Key Experimental Zone for Development and Opening-up) របស់ខេត្តគ័ងស៊ី ក៏ត្រូវបានបង្កើតឡើងជាមួយនឹងផ្លូវ Express Way ផ្លូវរថភ្លើងល្បឿនលឿន និងកំពង់ផែជាច្រើនដែលអាចតភ្ជាប់ចិន និងអាស៊ានបានយ៉ាងល្អប្រសើរ។

លោក Jin Xiangjun សមាជិកគណៈកម្មការការងារនៃ Dongxing Experimental Zone បានថ្លែងក្នុងសន្និសីទស្តីពីការលើកកម្ពស់ការវិនិយោគពិសេសសម្រាប់តំបន់ពិសោធន៍សំខាន់តុងស៊ីងសម្រាប់ការអភិវឌ្ឍ និងបើកចំហនៅមជ្ឈមណ្ឌលពិព័រណ៍ និងសន្និបាតអន្តរជាតិណាននីងថា តំបន់នេះនឹងផ្តោតសំខាន់លើវិស័យចំនួន៥ គឺ ការស្ថាបនាមជ្ឈមណ្ឌលតភ្ជាប់តំបន់ដីគោក និងសមុទ្រថ្មី ការបង្កើតបណ្តាញឧស្សាហកម្មកាត់ព្រំដែន ការជំរុញវិស័យភស្តុភាពាណិជ្ជកម្ម ការបង្កើតមជ្ឈមណ្ឌលចែកចាយ និងការបង្កើតមជ្ឈមណ្ឌលផ្លាស់ប្តូរវប្បធម៌។

ក្នុងសន្និសីទនេះដែរ គម្រោងវិនិយោគចំនួន១៨បានត្រូវចុះហត្ថលេខាដែលមានទំហំទឹកប្រាក់ ១២,៧៥៨ពាន់លានដុល្លារ។ គម្រោងទាំងនោះរួមមានកសិកម្ម ថាមពលថ្មី វប្បធម៌ទេសចរណ៍ កីឡា ការអភិវឌ្ឍជលផល ពាណិជ្ជកម្មតាមព្រំដែន និងការកែច្នៃម្ហូបអាហារ។

ដោយ៖ សរ សុគន្ធី រាយការណ៍ពីប្រទេសចិន