ឆាគ្រឿងខ្យងឆ្ងាញ់ទាល់តែលិឍដៃ!

2015-09-27 20:59:51
ចំនួនមតិ 0 | ចំនួនចែករំលែក 0

ចន្លោះមិនឃើញ

រៀងរាល់ចុងសប្ដាហ៍ Sabay តែងបង្ហាញវិធីធ្វើម្ហូបងាយសាមញ្ញ ហើយរសជាតិឆ្ងាញ់ មិនថាប្រុស មិនថាស្រី សុទ្ធតែអាចធ្វើបានទាំងអស់។ លើកនេះ ម្ហូបមួយមុខទៀតដែលបង្ហាញជូនខាងក្រោម មានឈ្មោះថា "ឆាគ្រឿងខ្យង" ខណៈដែលខ្ចៅខ្យងក៏ពេញនិយមក្នុងចំណោមយុវវ័យគួរសមដែរ។

"ឆាគ្រឿងខ្យង" អាចញ៉ាំលេងជ្រលក់ទឹកត្រីម្ទេសក្រូចឆ្មាទទេក៏បាន ហើយកាន់តែឆ្ងាញ់ ប្រសិនបើអ្នកយកមកធ្វើជាម្ហូបញ៉ាំជាមួយបាយ។ មុខម្ហូបដ៏សាមញ្ញមួយនេះ រសជាតិមិនធម្មតាឡើយ។ បើមិនជឿសាកល្បងមើលទៅ!

គ្រឿងផ្សំ៖

• ខ្យង ១គីឡូ

• ម្ទេស ៥គ្រាប់

• ទឹកត្រី ១ស្លាបព្រា ស្ករស កន្លះស្លាបព្រា ម្សៅស៊ុប ឬ ប៊ីចេង១ចុងស្លាបព្រាកាហ្វេ ប្រេងខ្យង ១ចុងស្លាបព្រាកាហ្វេ

• គល់ស្លឹកគ្រៃ ៣ គល់

• ស្លឹកក្រូចសើច ៥សន្លឹក

• ខ្ទឹមស ៤ កំពឹស

• រំដេង ១ដុំ ល្មៀត កន្លះដុំ

• សណ្ដែកដី ១ខាំ

សូមមើលវីដេអូរបៀបធ្វើទាំងអស់គ្នា៖