ស្ងាត់ៗ HTC បង្ហាញស្មាតហ្វូនម៉ូដែលថ្មីមួយគ្មានប្រកាសអី្វបន្តិច

2015-10-06 13:46:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈដែលក្រុមហ៊ុនផលិតស្មាតហ្វូនមួយចំនួនបានរៀបចំព្រឹត្តិការណ៍ធំៗដើម្បីប្រកាសពីផលិតផលថ្មីរបស់ខ្លួន ដោយឡែកក្រុមហ៊ុន HTC វិញបានបង្ហាញទូរសព្ទស្មាតហ្វូនម៉ូដែលថ្មីរបស់ខ្លួនដោយស្ងាត់ៗទៅវិញ។

នៅថ្ងៃម្សិលមិញក្រុមហ៊ុនផលិតទូរសព្ទរបស់កោះតៃវ៉ាន់បានបង្ហាញនូវកំពូលស្មាតហ្វូនជំនាន់ថ្មីរបស់ខ្លួនមួយម៉ូដែលមានឈ្មោះថា HTC One E9s ដោយស្មាតហ្វូនជំនាន់ថ្មីនេះគឺត្រូវបានឃើញនៅលើវិបសាយរបស់ក្រុមហ៊ុនផ្ទាល់ក្នុងប្រទេសឥណ្ឌា។ ការបង្ហាញនេះគឺគ្មានការប្រកាសជាផ្លូវការឲ្យអ្នកណាម្នាក់បានដឹងនោះទេ។

តាមព័ត៌មានដែលបានចុះផ្សាយនៅលើវិបសាយ gsmarena បានឲ្យដឹងថា HTC One E9s គឺត្រូវបានផលិតឡើងដោយបំពាក់ដោយអេក្រង់ទំហំ ៥,៥ អ៊ីញ និង កម្រិត Resolution ៧២០ ភិចស៊ែល។ ចំពោះការរចនានូវរូបរាងវិញគឺស្រដៀងទៅនឹងខ្សែស្រឡាយ HTC One ជំនាន់មុនៗដែរ ប៉ុន្តែគ្រាន់តែវាមានកម្រាស់ក្រាស់ ធ្ងន់ និង មានថាមពលថ្មទាបជាងតែប៉ុណ្ណោះបើប្រៀបជាមួយនឹង HTC One M9។

តួម៉ាស៊ីនរបស់វាគឺត្រូវបានបំពាក់ដោយ CPU ៨ គ្រាប់ប្រភេទ MediaTek MT6752M ដែលមានល្បឿន 1.5 GHz, ទំហំ 2 GB នៃ RAM, ទំហំម៉េមូរី 16 និងមានរន្ធស៊ីមចំនួនពីរ។ បន្ថែមទៀតនោះ HTC One E9s មានកាមេរ៉ាក្រោយទំហំ 13 MP មាន Sensor BSI ជាមួយនឹងមុខងារ autofocus និងអាចចាប់យករូបភាពបានកម្រិត Full HD។ ចំណែកឯកាមេរ៉ាមុខមានទំហំត្រឹមតែ 4MP តែប៉ុណ្ណោះ។ បច្ចុប្បន្ន HTC One E9s គឺបានដាក់លក់នៅលើគេហទំព័ររបស់ HTC ក្នុងប្រទេសឥណ្ឌា ចំណែកឯតម្លៃគឺពុំបានបញ្ជាក់នោះទេ៕

អានបន្ត៖ Apple គ្រោងផលិតក្បាលកាសថ្មីតូចដើម្បីជួយឲ្យការផលិត iPhone ក្រោយកាន់តែស្ដើង

ប្រែសម្រល៖ សំនៀង ប្រភព៖ gsmarena