Apple គ្រោងផលិតក្បាលកាសថ្មីតូចដើម្បីជួយឲ្យការផលិត iPhone ក្រោយកាន់តែស្ដើង

2015-10-05 21:23:06
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់បានដាក់បញ្ចូលរន្ធ USB ប្រភេទថ្មីគឺ USB Type-C សម្រាប់កុំព្យូទ័រ MacBook រួចមក ឥលូវក្រុមហ៊ុន Apple ត្រូវបានគេរាយការណ៍ថា កំពុងតែធ្វើការផលិតនូវក្បាលកាសប្រភេទថ្មីដើម្បីជួយសម្រួលដល់ការរចនារូបរាងរបស់ iPhone ជំនាន់ក្រោយៗឲ្យមានកម្រាស់កាន់តែស្ដើង។

កន្លងទៅថ្មីៗនេះ ក្រុមហ៊ុន Apple បានដាក់ពាក្យស្នើសុំសិទ្ធិប៉ាតង់នៅការិយាល័យសិទ្ធិប៉ាតង់ និង យីហោរបស់សហរដ្ឋអាមេរិកលើការផលិតក្បាលកាសប្រភេទថ្មីមានឈ្មោះថា ‘D-shaped connector’ ដែលក្បាលកាសប្រភេទថ្មីនេះនឹងជំនួសក្បាលកាសដែលកំពុងប្រើបច្ចុប្បន្ន ដែលមានទំហំ ៣,៥ ម.ម និង ២,៥ ម.ម។

D-shaped connector នេះនឹងត្រូវបានរចនាឡើងមានមុខងារដូចទៅក្បាលកាសប្រភេទ TRRS ដែលមានទំហំ ៣,៥ ម.មដែរ ប៉ុន្តែគ្រាន់តែការឌីស្សាញខុសគ្នា។ វាមានទំហំតូចដើម្បីប្រើសម្រាប់តម្រូវឧបករណ៍ដែលមានកម្រាស់ស្ដើងបំផុត ហើយចំណុចខុសគ្នាមួយទៀតនោះគឺការរចនារូបរាងរបស់វាមានរាងដូចទៅនឹងអក្សរ ‘D’ ។

ជាមួយនឹងការរចនារូបរាងដូចទៅនឹងអក្សរ D នេះមានន័យថា ផ្ទៃចំហៀងម្ខាងរបស់ក្បាលកាសគឺមានរាងរាបស្មើ និងម្ខាងទៀតរាងមូល។ ដូច្នេះបើការផលិតក្បាលកាសប្រភេទនេះបានជោគជ័យ iPhone ជំនាន់ក្រោយនឹងមានកម្រាស់កាន់តែស្ដើង ព្រោះវាបានកាត់បន្ថយទំហំរន្ធកាសបានមួយភាគធំ៕

អានបន្ត៖ iPhone 6s/6s Plus ទក់សាច់ពេលធ្វើតេស្ដដោយម្ចាស់ជើងឯក MMA

ប្រែសម្រួល៖ សំនៀង ប្រភព៖ ibnlive