មហោស្រពភាពយន្តអន្តរជាតិ កម្ពុជា (CIFF) ឆ្នាំនេះនឹងបង្ហាញពីខ្សែភាពយន្តល្បីៗជាង៨០រឿង

2015-10-22 22:23:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់ឆ្នាំទី៦ នេះ មហោស្រពភាពយន្តអន្តរជាតិ កម្ពុជា ចាប់ពីថ្ងៃទី៤-១០ ធ្នូ ២០១៥ ដែលជាព្រឹត្តិការណ៍ភាពយន្តដំបូងគេនៅកម្ពុជា នឹងនាំមកនូវខ្សែភាពយន្តជាង៨០រឿង ដែលគ្រោងនឹងបញ្ចាំងជូនទស្សនាចំនួនជាង២០០លើក។ កម្មវិធីមហោស្រពភាពយន្តអន្តរជាតិដ៏ធំនេះ គឺមានលក្ខណៈសម្បូរបែប និងមានភាពយន្តចម្រុះ។

លើសពីនេះទៀត ដើម្បីបង្ហាញពីខ្សែភាពយន្តល្អៗបំផុត ដែលបានផលិតនៅក្នុងនិងអំពីប្រទេសកម្ពុជា មហោស្រពភាពយន្តអន្តរជាតិ កម្ពុជាឆ្នាំនេះ ក៏នឹងផ្តោតជាពិសេសទៅលើខ្សែភាពយន្តរបស់ប្រទេសជប៉ុន ម៉ាឡេស៊ី និងបារាំង ហើយក៏នឹងមានរួមបញ្ចូលផងដែរនូវភាពយន្តអាស៊ាន ដែលបានទទួលពានរង្វាន់ពី Asian Film Awards ដ៏ល្បីល្បាញ និងខ្សែភាពយន្តគំនូរជីវចលដ៏កម្ររបស់សាធារណរដ្ឋឆេក ព្រមទាំងខ្សែភាពយន្តឯកសារមកពីទូទាំងពិភពលោក និងខ្សែភាពយន្តខ្លី។

មហោស្រពភាពយន្តអន្តរជាតិ (CIFF) ក៏នឹងមានរួមបញ្ចូលនូវការប្រកួតខ្សែភាពយន្តថ្នាក់ជាតិផងដែរ។ ខ្សែភាពយន្តខ្មែរចំនួន៨រឿងត្រូវបានជ្រើសរើសដើម្បីប្រឡងប្រជែងយកពានរង្វាន់ ដែលផ្តល់ដោយក្រសួងវប្បធម៌ និង វិចិត្រសិល្បៈនៅថ្ងៃបិទពិធី។ CIFF នឹងផ្តល់ជូននូវការបញ្ចាំងខ្សែភាពយន្តពិសេសៗសម្រាប់អ្នកទស្សនាជាកុមារ ដែលមានប្រភេទខ្សែភាពយន្តគំនូរជីវចលចម្រុះ ទាំងសម័យមុននិងបច្ចុប្បន្ន ដែលភាពយន្តទាំងនោះសុទ្ធសឹងជាភាពយន្តមានគុណភាពខ្ពស់។

ការចាក់បញ្ចាំងនឹងធ្វើឡើងរយៈពេល៧ថ្ងៃ នៅតាមរោងភាពយន្តធំៗក្នុងរាជធានីភ្នំពេញ (Major and Cineplex), រោងភាពយន្ត Legend ទាំងបីទីតាំង, សាលមហោស្រពចតុមុខ, រោងភាពយន្តថ្មី នៃវិទ្យាស្ថានបារាំង និងមជ្ឈមណ្ឌលបុប្ផាណា ដោយមានការអញ្ជើញចូលរួមពីភ្ញៀវសំខាន់ៗជាច្រើន រួមទាំងផលិតករភាពយន្តចូលរួមចែករំលែកបទពិសោធដល់ទស្សនិកជន។

មហោស្រពភាពយន្តអន្តរជាតិ កម្ពុជា គឺព្រឹត្តិការណ៍បញ្ចាំងភាពយន្តដែលប្រព្រឹត្តទៅរៀងរាល់ឆ្នាំ ដឹកនាំដោយក្រសួងវប្បធម៌ និងវិចិត្រសិល្បៈនិង ត្រូវបានរៀបចំឡើងដោយ មជ្ឈមណ្ឌលបណ្តុះបណ្តាញជំនាញ និងទទួលថតភាពយន្តនៅកម្ពុជា (CFC) និងមជ្ឈមណ្ឌលបុប្ផាណា សហការជាមួយវិទ្យាស្ថានបារាំង។

មហោស្រពភាពយន្តអន្តរជាតិ កម្ពុជា នៅឆ្នាំនេះនឹងយកថ្លៃសំបុត្រចូលទស្សនាចំនួន ១ដុល្លារ។ ប្រសិនបើទិញសំបុត្រជាមុនចំនួន១០ នឹងគិតថ្លៃត្រឹមតែ៥ដុល្លារប៉ុណ្ណោះ។ កម្មវិធី និងកាលវិភាគនៃការចាក់បញ្ចាំងខ្សែភាពយន្ត និងព័ត៌មានផ្សេងៗ នឹងបង្ហាញជូនជាប្រចាំនៅលើវេបសាយ www.cambodia-iff.com នៅចុងខែវិច្ឆិកានេះ។

ព័ត៌មានបន្ថែម សូមទាក់ទង Sopheap Chea តាមរយៈអ៊ីម៉ែល programming@cambodia-iff.com

ពាក្យទាក់ទង

ដៃគូសហការ

អត្ថបទពេញនិយម

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

ដឹងការពិត! មនុស្សដំបូងលើករឿង NewJeans ត្រូវគេ Copy Style មិនមែន Min Hee Jin ទេ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ប្រព័ន្ធធារាសាស្រ្តនៅខេត្តចំនួន៥ កំពុងត្រូវបានជួសជុលថែទាំ

អត្ថបទថ្មី

ឥណ្ឌារៀបចំការបោះឆ្នោតដ៏ធំជាងគេក្នុងពិភពលោក ដោយមានម្ចាស់ឆ្នោតក្បែរ ១ពាន់លាននាក់

Pep មិនទាន់សម្រេចអនាគត Joao Cancelo នៅ Man City ទេ

Xavi នឹងបន្តដឹកនាំក្លឹប Barca ១រដូវកាលទៀត

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

ពូឃ្លាំង តារាចាស់វស្សាកំពូលកូរ ចូលទៅកូរដល់ក្នុងឡានអ្នកឈ្នះរបស់គ្រុឌ