iOne គ្រោងធ្វើសន្និសីទប្រកាសពីការនាំ iPhone ស៊េរីថ្មីបម្រើទីផ្សារប្រើប្រាស់
- 2015-10-22 21:11:01
- ចំនួនមតិ 0 | ចំនួនចែករំលែក 0
iOne គ្រោងធ្វើសន្និសីទប្រកាសពីការនាំ iPhone ស៊េរីថ្មីបម្រើទីផ្សារប្រើប្រាស់
ចន្លោះមិនឃើញ
តាមប្រភពពីក្រុមហ៊ុន iOne បានឲ្យដឹងថា ក្រុមហ៊ុន iOne គ្រោងធ្វើសន្និសីទកាសែតមួយនៅសប្ដាហ៍ក្រោយនេះ ដើម្បីប្រកាសពីការនាំ iPhone ជំនាន់ថ្មីរបស់ Apple មកកាន់ទីផ្សារប្រទេសកម្ពុជា។
ការទម្លាយឲ្យដឹងនេះ បន្ទាប់ក្រុមហ៊ុន Apple បានបញ្ចេញលក់ទូរសព្ទ iPhone 6S/6S Plus តាមទីផ្សារប្រទេសមួយចំនួនរួចមកហើយ ហើយទីផ្សារប្រទេសមួយចំនួនទៀតក៏កំពុងត្រៀមក្នុងការនាំទូរសព្ទជំនាន់ថ្មីនេះបម្រើតម្រូវការអ្នកប្រើប្រាស់។
អ្នកគ្រប់គ្រងជាន់ខ្ពស់មួយរូបនៅក្រុមហ៊ុន iOne ប្រាប់ Sabay នៅរសៀលនេះថា ការធ្វើសន្និសីទនេះបន្ទាប់ពីមានព័ត៌មានលេចឮជាច្រើន និងក៏ជាការឆ្លើយតបតាមការចង់ដឹងពីអតិថិជនមួយចំនួនពីការនាំ iPhone របស់ Apple មកប្រទេសកម្ពុជា។
iOne មិនមែនតែក្រុមហ៊ុនក្នុងស្រុកតែមួយទេ ដែលទទួលបានសិទ្ធិក្នុងការនាំ iPhone ពី Apple សម្រាប់ទីផ្សារកម្ពុជា ក្រុមហ៊ុនបណ្តាញទូរសព្ទ Smart ក៏បានអះអាងពីការទទួលបានសិទ្ធិនិងបានប្រកាសត្រៀមខ្លួនក្នុងការនាំទូរសព្ទដ៏ល្បីឈ្មោះនេះមកបម្រើទីផ្សារអ្នកប្រើប្រាស់។
អ្នកគ្រប់គ្រងជាន់ខ្ពស់ដដែលរូបនោះបានបញ្ជាក់ថា iPhone ជំនាន់ថ្មីរបស់ Apple អាចមកដល់ទីផ្សារប្រទេសកម្ពុជានៅចុងខែនេះនិងយូរបំផុតនៅដើមខែវិច្ឆិកាខាងមុខ។
អត្ថបទ៖ ប៊ុណ្ណារ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
