ទីបំផុតបទ "ទឹកភ្លៀងលាងទឹកភ្នែក" ចេញផ្លូវការ ស្ដាប់ហើយព្រឺសម្បុរ!

2014-10-18 16:20:03
ចំនួនមតិ 0 | ចំនួនចែករំលែក 0

ចន្លោះមិនឃើញ

បទចម្រៀងស្នាដៃដំបូងរបស់ក្រុមតារាចម្រៀង De5inite មានចំណងជើងថា "ទឹកភ្លៀងលាងទឹកភ្នែក" ទីបំផុតបានចេញវីដេអូចម្រៀងពេញលេញ(Full MV)ផ្លូវការនាយប់មិញ ក្រោយធ្វើឲ្យប្រិយមិត្តរង់ចាំអស់ពេលជាច្រើនខែ។

តាមលោក ចាន់ណា រ៉ូណាន ប្រធានក្រុម De5inite បានប្រាប់ថា តាមពិតទៅ "ទឹកភ្លៀងលាងទឹកភ្នែក" ត្រូវចេញតាំងពីមុនបុណ្យភ្ជុំបិណ្ឌ ប៉ុន្តែដោយសារតែសម្រិតសម្រាំងគុណភាពខ្លាំងពេក ទើបពន្យារពេលមកដល់ពេលនេះ។ យ៉ាងណា ស្នាដៃដំបូងក្រុមរបស់លោកចេញក្រោមផលិតកម្ម Rich Kids Media បានចេញយប់មិញនេះហើយ។

ប្រធានក្រុមវ័យក្មេងរូបនេះ បញ្ជាក់ថា "ទឹកភ្លៀងលាងទឹកភ្នែក" របស់លោក មិនមែនស្នាដៃថ្មីសុទ្ធសាធរបស់ពួកលោកទេ គឺយក Cover ពីកូរ៉េ។ យ៉ាងណា បន្ទាប់ពីបទនេះទៅ លោកធ្វើតែបទចម្រៀង Original ប៉ុណ្ណោះ ក្នុងនោះថែមទាំងចំណាយច្រើនយ៉ាងហោចណាស់ ៥០០០ដុល្លារក្នុង១បទ។ លោក ថា "យើងធ្វើគុណភាពខ្ពស់តែម្ដង ហើយក៏អត់ធ្វើច្រើនដែរ គឺ១ឆ្នាំ ១បទប៉ុណ្ណោះ"។

“ទឹកភ្លៀងលាងទឹកភ្នែក" និយាយពីចំណងស្នេហ៍យុវជន យុវនារីមួយគូ ដែលបានផ្ដើមស្នេហ៍ក្រោមតំណក់ទឹកភ្លៀង និងចុងក្រោយបញ្ចប់ទៅវិញ ក៏ក្រោមតំណក់ទឹកភ្លៀង លាងជម្រះក្ដីឈឺចាប់មិនអាចកាត់ថ្លៃបាន។

អត្ថបទផ្សេងទៀតពាក់ព័ន្ធនឹង De5inite មាននៅទីនេះ!!!

អត្ថបទផ្សេងទៀតពាក់ព័ន្ធនឹង តន្ត្រីជាតិ មាននៅទីនេះ!!!

តោះ...ទស្សនាទាំងអស់គ្នា ហើយចាប់ប្រាប់ថា ព្រឺសម្បុរឬអត់?

http://youtu.be/hihvQQ5uMsY

អត្ថបទ៖ ទារិកា