កីឡាការិនីល្បុក្កតោ សំ ថារ័ត្ន ចង់ក្លាយជាតួកុនហូលីវូដ

2015-11-02 21:45:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់មេដាយប្រាក់ពិភពលោកផ្នែកសម្ដែងក្បាច់គុនល្បុក្កតោ និងជាកីឡាការិនីប្រដាល់ពហុជំនាញ សំ ថារ័ត្ន បានបង្ហាញបំណងប្រាថ្នាអនាគតចង់ក្លាយជាតួកុនហូលីវូដ បន្ទាប់ពីប្រលូកក្នុងការថតខ្សែភាពយន្តបែបវាយតប់បីរឿងរួចមក។

កីឡាការិនីពហុជំនាញ សំ ថារ័ត្ន មានអាជីពជាច្រើនក្រោយពេលប្រលូកក្នុងវិស័យក្បាច់គុនបុរាណខ្មែរតាំងពីឆ្នាំ២០០៨ មក។ ក្រៅពីក្បាច់គុនល្បុក្កតោ ថារ័ត្ន បានចូលរួមប្រកួតប្រដាល់គុនចម្រុះក្នុងទ្រុង ប្រដាល់ក្បាច់គុនបុរាណខ្មែរ ធ្វើជាពិធីការិនីប្រដាល់ ព្រមទាំងសម្ដែងខ្សែភាពយន្តដែលជាចំណង់ចំណូលចិត្តរបស់នាងតាំងពីតូចមក។

ថារ័ត្ន បានប្រាប់ Sabay ថា៖ «និយាយទៅ អនាគតខ្ញុំ... តាំងពីតូច ខ្ញុំមានក្ដីស្រមៃមួយ តែវាធំដែរ ព្រោះបំណងខ្ញុំចង់ក្លាយជាតារាភាពយន្តហូលីវូដ តែរាល់ថ្ងៃនេះស្រលាញ់កីឡា ហើយស្រលាញ់ក្បាច់គុនខ្មែរ អ៊ីចឹងក៏ចេះតែហាត់ទៅ ទាន់នៅមានកម្លាំង»។

កីឡាការិនីវ័យក្មេងពោរពេញដោយសមត្ថភាពរូបនេះបានបញ្ជាក់ទៀតថា នាងចង់ក្លាយជាតួកុនបែបវាយតប់ ក្នុងប្រភេទរឿង Action។ បំណងប្រាថ្នាទៅអនាគតធំបន្តិចមែន ប៉ុន្តែពេលនេះ ថារ័ត្ន គ្រាន់តែចង់សម្ដែងរឿងនៅក្នុងប្រទេសប៉ុណ្ណោះ ព្រោះចង់ឃើញភាពយន្តខ្មែរបែបវាយប្រហារមានការរីកចម្រើនដូចប្រទេសនានា៕

ទស្សនាវីដេអូ សំ ថារ័ត្ន និយាយពីបំណងប្រាថ្នាអនាគត៖