វិបសាយថ្មី បើកឱកាសងាយស្រួលដល់អ្នកស្វែងរកការងារ និងក្រុមហ៊ុន

2015-11-03 17:48:02
ចំនួនមតិ 0 | ចំនួនចែករំលែក 0

ចន្លោះមិនឃើញ

career855.com ជាវិបសាយស្វែងរកការងារថ្មី ប្លែកពីគេ ដែលស្ថិតក្រោមក្រុមហ៊ុន KooKoo&co Business Lines ដែលជាបណ្តាញរបស់ក្រុមហ៊ុន KooKoo ដ៏មានបទពិសោធន៍លើវិស័យជាច្រើនក្នុងប្រទេសជប៉ុនជាង ២០ ឆ្នាំមកហើយ។

អ្វីដែលធ្វើឲ្យវិបសាយការងារ career855.com ខុសប្លែកពីវិបសាយស្វែងរកការងារផ្សេងទៀតគឺដោយសារអ្នកអាចចុះឈ្មោះដោយឥតគិតថ្លៃ និងអាច Upload ជាវីដេអូដែលពាក់ព័ន្ធចូលទៅក្នុង Profile ដើម្បីឲ្យកាន់តែលម្អិត និងទាក់ទាញបន្ថែមទៀត។ ក្រៅពីនេះ ក៏មាន Messenger នៅក្នុងវិបសាយដែលអាចឲ្យអ្នករកការងារធ្វើ និងម្ចាស់ក្រុមហ៊ុនដែលចង់ជ្រើសរើសគេយកទៅធ្វើការអាចទាក់ទងគ្នាបានតាមរយៈ Chat ឆ្លងឆ្លើយ។

កាន់តែពិសេស សម្រាប់បេក្ខជនដែលស្វែងរកការងារតាមរយៈ career855.com បានដោយជោគជ័យ និងបញ្ចប់ការបម្រើការងាររយៈពេល ៣ ខែនៅក្រុមហ៊ុនដែលពួកគេចូលបម្រើការងារនោះនឹងទទួលបានទឹកប្រាក់ ៣០ ដុល្លារពីខាងវិបសាយដើម្បីជាការលើកទឹកចិត្ត ដោយក្នុងនោះអ្វីដែលបេក្ខជនត្រូវធ្វើគឺគ្រាន់តែបង្ហាញ Chat រវាងរូបគេ និងក្រុមហ៊ុននាពេលកន្លងមកដើម្បីបញ្ជាក់ថា ពិតជាបានស្វែងរកការងារតាម career855.com ពិតប្រាកដមែន។

ក្រុមហ៊ុនបានទាក់ទងជាមួយសាកលវិទ្យាល័យនានាក្នុងទីក្រុងភ្នំពេញដើម្បីឲ្យនិស្សិតដែលកំពុងស្វែងរកការងារអាចទទួលបានឱកាសអនុវត្តការងារធ្វើមុនបញ្ចប់ការសិក្សា និងម្ចាស់ក្រុមហ៊ុនអាចជ្រើសរើសបុគ្គលិកទៅបម្រើការងារកាន់តែសម្បូរបែប។ បច្ចុប្បន្ន លោកអ្នកអាចរកការងារជិត ១ ពាន់មុខតំណែងនៅលើវិបសាយមួយនេះ។

លោក Atsushi Kawase នាយកគ្រប់គ្រងសាខា KooKoo&co Co., Ltd ប្រចាំប្រទេសកម្ពុជា

លោក Atsushi Kawase នាយកគ្រប់គ្រងសាខា KooKoo&co Co., Ltd ប្រចាំប្រទេសកម្ពុជាបានឲ្យដឹងថា ការបង្កើតវិបសាយស្វែងរកការងារនេះឡើងគឺដើម្បីផ្ដល់ភាពងាយស្រួលក្នុងការស្វែងរកការងារសម្រាប់ក្រុមហ៊ុន និងបេក្ខជនដែលកំពុងត្រូវការការងារ។ លោកបន្តថា វិបសាយនេះក៏កំពុងបើកដំណើរការនៅប្រទេសផ្សេងទៀតដូចជា ហ្វីលីពីន និងសិង្ហបុរីផងដែរ។

ក្រៅពីវិបសាយស្វែងរកការងារ career855.com ក្រុមហ៊ុន KooKoo&Co ក៏មានទស្សនាវដ្ដីការងារ JobJob សេវាកម្មគាំទ្រនិស្សិតទៅសិក្សានៅជប៉ុន ជំនួញភោជនីយដ្ឋាន គម្រោងផ្សព្វផ្សាយទូទៅ ការឌីហ្សាញនិងបង្កើតវិបសាយ ព្រមទាំងការផលិតវីដេអូនានាទៀតផង។

ក្រុមហ៊ុន KooKoo&co Co., Ltd មានអាសយដ្ឋាននៅផ្ទះលេខ 9D សង្កាត់បឹងកេងកង ៣ ខណ្ឌចំការមន រាជធានីភ្នំពេញ។

អ៊ីមែល៖ info.ca@kookoo.co.jp និងទូរសព្ទ៖ 023 214 195។ ចុចត្រង់នេះដើម្បីចូលទៅកាន់វិបសាយ Career855.com៕

អត្ថបទ៖ ប្រាក់ ចាន់សីហា