រកឃើញហើយអ្នកបំបែកពងមាន់ក្រុម NeverCare

2014-10-19 22:28:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់ការពារតំណែងជើងឯក AK ប្រចាំខេត្តបាត់ដំបងក្រុម NeverCare មិនអាចរក្សាពងមាន់របស់ខ្លួនឲ្យបាននៅមូលស្អាតល្អសម្រាប់ព្រឹត្តិការណ៍ CCC 2014 នេះឡើយ ដោយត្រូវបានក្រុម OverDie បំបែកនៅក្នុងការប្រកួតវគ្គពាក់កណ្ដាលផ្ដាច់ព្រ័ត្រអម្បាញ់មិញនេះ។

មិនត្រឹមតែជាអ្នកបំបែកពងមាន់របស់ក្រុម NeverCare តែក៏ជាក្រុមដែលបានបង្កភាពរន្ធត់ដល់ក្រុម NeverCare ផងដែរ ដោយបានតាមពិន្ទុទាន់យកស្មើក្នុងលទ្ធផល ២ ស្មើសម្រាប់ ៤ ប្រកួតដំបូង ដែលធ្វើឲ្យសំឡេងស្រែកហ៊ោកញ្ជ្រៀវបានបន្លឺឡើងយ៉ាងខ្លាំង ផ្អើលអស់ពាណិជ្ជករ រួមទាំងអតិថិជនក្នុងផ្សារទំនើបបុរីថ្មី។

ក្រុម OverDie

ក្រោយពីអាចតាមទាន់យកពិន្ទុស្មើនឹងពិន្ទុក្រុម NeverCare ហើយ OverDie នៅមានឱកាសជាច្រើនទៀតក្នុងការវាយបំបាក់យកឈ្នះនាំមុខ NeverCare ដោយបានបង្កប់គ្រាប់បែក និងបាញ់សម្លាប់តដៃលើតួអង្គសមាជិកក្រុម NeverCare បានស្ទើរតែគ្រប់ប្រកួត ប៉ុន្តែនៅតែមិនអាចរកពិន្ទុបន្ថែមឡើយ ដោយត្រូវបានក្រុម NeverCare បុកសម្រុកមកដោះគ្រាប់បែកបានទាន់វេលារហូត។

ជាលទ្ធផល ក្រុម NeverCare បានយកឈ្នះលើក្រុម OverDie ក្នុងលទ្ធផល ៥ ទល់នឹង ២ ហើយទទួលបានកៅអីទៅប្រកួតនៅវគ្គផ្ដាច់ព្រ័ត្រដំបូងគេ អង្គុយរង់ចាំមើលលទ្ធផលប្រកួតរវាងក្រុម Secret និងក្រុម S4M1 ថាតើក្រុមណានឹងមានសមត្ថភាពមកដណ្ដើមពានរង្វាន់កិត្តិយសជាមួយខ្លួននៅវគ្គផ្ដាច់ព្រ័ត្រនាពេលបន្តិចទៀតនេះ។

ព្រឹត្តិការណ៍ CCC 2014 នាំមកជូនដោយ Sabay និងក្រុមហ៊ុនទូរសព្ទចល័ត Smart។ Super 40 គឺជា Promotion ពិសេស ថ្មី ដែលផ្ដល់រហូតដល់ទៅចំនួន ៤០នាទីដោយឥតគិតថ្លៃសម្រាប់ការទាក់ទងក្នុងប្រព័ន្ធជារៀងរាល់ថ្ងៃ ជាមួយនឹងស៊ីមកាតថ្មី ឬចុច *202# សម្រាប់អតិថិជនចាស់។

អត្ថបទ៖ ភីឆាយ