Oh My Ghost! រឿងខ្មោចកំប្លែង ផ្ទុះសំណើចសើចពីដើមដល់ចប់

2015-11-19 20:23:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តថៃបែបកំប្លែងលាយរន្ធត់ "Oh My Ghost" បានមកដល់រោងភាពយន្ត Platinum ផ្សារទំនើបសូរិយាហើយ ដែលនឹងចាក់បញ្ចាំងនាថ្ងៃទី២៣ វិច្ឆិកា ឆ្នាំ២០១៥ ខាងមុខតទៅ។

"Oh My Ghost" ចូលរួមសម្ដែងដោយតារាកំប្លែងថៃក្រមិចក្រមើម Kohtee ដោយសាច់រឿងផ្ដើមចេញពីរឿងហេតុដែលបានកើតឡើងក្នុងវិទ្យាល័យមួយ។

អតីតអ្នកគ្រូបង្រៀនម្នាក់ឈ្មោះចន្ធូ ត្រូវបានគេសម្លាប់ក្នុងអាគារចាស់អាថ៌កំបាំងមួយក្នុងបរិវេណសាលាក្បែរអាគារសិក្សារបស់សិស្ស។ គ្មាននរណាម្នាក់ហ៊ានចូលទៅក្នុងអាគារនោះឡើយដោយខ្លាចព្រលឹងខ្មោចអ្នកគ្រូចន្ធូចេញមកលងនៅពេលយប់។

ទោះជាយ៉ាងណាអតីតសិស្សធ្លាប់រៀននៅវិទ្យាល័យនោះ ដែលបច្ចុប្បន្នជាក្រុមខ្ទើយលំដាប់កំពូលត្រូវបានសិស្សប្អូនរៀននៅវិទ្យាល័យពឹងពាក់ឲ្យមកជួយស្វែងរកការពិតជុំវិញការស្លាប់របស់អ្នកគ្រូចន្ធូ។ ក្នុងនាមជារៀមច្បងនៅវិទ្យាល័យ និងជាក្រុមខ្ទើយដែលមាន សមាជិក ឈ្មោះ អ្នកនាង Pancake អ្នកនាងតែវ និងកូនប្រុសឈ្មោះអាដំឡូងមកផង ជាមួយសមាជិកខ្ទើយផ្សេងទៀត បានទៅបំពេញបេសកកម្មតាមសំណើសិស្សប្អូននៅវិទ្យាល័យ ដោយចូលទៅក្បែរអាគារចាស់អាថ៌កំបាំងនោះ។

ក្នុងការបេសកកម្មរកឲ្យឃើញការពិតនៃការស្លាប់របស់អ្នកគ្រូចន្ធូ ទាំងក្រុមខ្ទើយសិស្សច្បង និងសិស្សប្អូនរួមទាំងបុគ្គលិកនៅសាលា ក៏ត្រូវខ្មោចអ្នកគ្រូចន្ធូលងប៉ះសក់ផង ឈ្លោះគ្នាផង ដែលបង្កជាបរិយាកាសកំប្លែងបន្តជាហូរហែ...។

ចង់ដឹងថាចុងបញ្ចប់នៃសាច់រឿងខ្មោចតែកំប្លែងនឹងទៅជាយ៉ាងណា សូមទស្សនានៅ Platinum Cineplex សូរិយាទាំងអស់គ្នាចាប់ពីថ្ងៃទី២៣ វិច្ឆិកាតទៅ។

ក្នុងកម្មវិធីសម្ពោធរឿងម្សិលមិញនេះ មានអ្នកចូលរួមទស្សនាជាច្រើន និងមានការសម្តែងពីក្រុមរាំ និងច្រៀង ការចាប់រង្វាន់ បង្កជាបរិយាកាសរីករាយមុននឹងចាក់បញ្ចាំងភាពយន្តកំប្លែង "Oh My Ghost" ផងដែរ៕