ថៃដាក់សុទ្ធតែក្រុមប៉ូលិស “Superheroes” ការពារថ្ងៃបុណ្យបណ្ដែតប្រទីប

2015-11-23 18:32:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីការពារសុវត្ថិភាពនៅថ្ងៃបុណ្យបណ្ដែតប្រទីបនាពេលខាងមុខ អាជ្ញាធរខេត្ត Nakhon Sawan ប្រទេសថៃបានចាត់វិធានការដោយបង្កើតក្រុមប៉ូលិសមួយឲ្យឈ្មោះថា “Superheroes”។

ក្រុមប៉ូលិស “Superheroes” ត្រូវតែងខ្លួនឲ្យដូច Superheroe ក្នុងរឿងហូលីវូដដូចជា Spider-Man ,BadManនិងមនុស្សបៃតង Hulk ជាដើម។ លើ Facebook Page របស់អាជ្ញាធរប៉ូលិសសង្កាត់ Tak Fah ខេត្ត Nakhon Sawan បានបង្ហោះរូប២សន្លឹកជាមួយក្រុមប៉ូលិសថ្មី “Superheroes” ខណៈកំពុងពិភាក្សាក្នុងការទប់ស្កាត់ឧក្រិដ្ឋកម្មក្នុងពិធីបុណ្យបណ្ដែតប្រទីបនាពេលខាងមុខ។

ភ្ជាប់ជាមួយរូបគេបានសរសេរថា៖"មនុស្សអាក្រក់គឺមិនខ្លាចច្បាប់ឡើយ ដូច្នេះពួកយើងបានបង្កើតវិធានការពង្រាយក្រុមប៉ូលិស Superheroes តាមគម្រោងការដើម្បីការពារសុវត្ថិភាពបងប្អូននៅសង្កាត់ Tak Fah”។

បុណ្យបណ្ដែតប្រទីបជាបុណ្យប្រពៃណីមួយរបស់ប្រទេសថៃដែលតែងប្រារព្ធជារៀងរាល់ឆ្នាំ។ ក្នុងឆ្នាំនេះដែរបុណ្យបណ្ដែតប្រទីបនឹងធ្វើឡើងនៅថ្ងៃទី ២៥ ខែ វិច្ឆិកា៕