​កញ្ញា​ Mel Tan ​ដែល​ជា​តារា​ម៉ូដែល​ និង​ជា​ Ring Girl សិចស៊ី​ ស្អាត​ជាង​គេ​ប្រចាំ​ស្ថាប័ន​កីឡា​គុន​ចម្រុះ​ធំ​ប្រចាំ​អាស៊ី​ One Championship នឹង​បង្ហាញ​ខ្លួន​​នៅ​លើ​ទឹក​ដី​នៃ​ប្រទេស​កម្ពុជា​ជា​លើក​ទី​២​ក្នុង​ព្រឹត្តិការណ៍​ប្រដាល់​គុន​ចម្រុះ​អន្តរជាតិ​ Kingdom of Khmer នៅ​ថ្ងៃ​ទី​៥​ ខែ​ធ្នូ​ ឆ្នាំ​២០១៥​ខាង​មុខ​នេះ​នៅ​កោះ​ពេជ្រ។

តាម​ប្រភព​ពី​ One Championship បាន​ឲ្យ​ដឹង​ថា សម្រាប់​ការ​ប្រកួត​ខាង​មុខ​នេះ​ Ring Girl តែ​ម្នាក់​ប៉ុណ្ណោះ​ដែល​មក​ស្រុក​ខ្មែរ​គឺ​កញ្ញា​ Mel Tan ដែល​ជា​​តារា​ម៉ូដែល​ម៉ាឡេស៊ី​​រស់​នៅ​ប្រទេស​សិង្ហបុរី​ធ្លាប់​មក​កម្ពុជា​ម្តង​ហើយ។ ​ថ្ងៃ​​ទី​៣​ ធ្នូ​ ​កញ្ញា​នឹង​បង្ហាញ​មុខ​​ក្នុង​កម្មវិធី​ជប់លៀង​ជិះ​ទូក​កម្សាន្ត​របស់​ក្រុម​ការងារ​ One Championship រួម​ជា​មួយ​អ្នក​សារព័ត៌មាន​នៅ​តាម​ដង​ទន្លេ​មុខ​ព្រះ​បរម​រាជ​វាំង។ បន្ទាប់​មក​នៅ​ថ្ងៃ​ទី​៤​ក្នុង​ពិធី​ថ្លឹង​ទម្ងន់​​នៅ​ណាហ្គាវើល​ និង​​ថ្ងៃ​​ទី​៥​ដែល​ជា​ថ្ងៃ​ប្រកួត​នៅ​កោះ​ពេជ្រ​ក៏​កញ្ញា​បង្ហាញ​បង្ហាញ​មុខ​ទៀត។

កាល​ពី​ថ្ងៃ​ទី​១២​ ខែ​កញ្ញា​ ឆ្នាំ​២០១៤​កន្លង​​ទៅ​កញ្ញា​ធ្លាប់​បាន​បង្ហាញ​មុខ​ម្តង​ហើយ​ក្នុង​ព្រឹត្តិការណ៍​ប្រដាល់​គុន​ចម្រុះ​លើក​ដំបូង​នៅ​កម្ពុជា​គឺ​ Rise of the Kingdom និង​ទទួល​បាន​ការ​ចាប់​អារម្មណ៍​យ៉ាង​ខ្លាំង​ពី​អ្នក​ទស្សនា៕

អត្ថបទ៖ ជាន ចាន់រ៉ា​