បោះឆ្នោតប្រជាមតិរើសទង់ជាតិនូវែលសេឡង់ថ្មី ជិតបញ្ចប់ហើយ
- 2015-12-11 17:01:42
- ចំនួនមតិ 0 | ចំនួនចែករំលែក 0
បោះឆ្នោតប្រជាមតិរើសទង់ជាតិនូវែលសេឡង់ថ្មី ជិតបញ្ចប់ហើយ
ចន្លោះមិនឃើញ
ការបោះឆ្នោតប្រជាមតិលើកទី១ ជ្រើសរើសទង់ជាតិថ្មីនៃប្រទេសនូវែលសេឡង់ (New Zealand) ជិត ដល់ទីបញ្ចប់ហើយ។
ប្រជាជននូវែលសេឡង់ជាច្រើននាក់ ត្រូវបានស្នើសុំឲ្យជ្រើសរើសនូវគំរូម៉ូដទង់ជាតិទាំង៥ដែលពួកគេពេញចិត្ត។ ជាមួយគ្នានេះ ក៏មានមតិរិះគន់ចំពោះគំរូទង់ជាតិទាំង៥ផងដែរ ដោយមានហេតុផលលើកឡើងថា ទង់ទាំងនោះគឺមិនមានភាពទាក់ទាញត្រង់ណានោះឡើយ។
យ៉ាងណាក្ដី ការស្ទង់មតិប្រជារាស្ត្រលើកទីពីរនឹងធ្វើឡើង នាមិនា ឆ្នាំ២០១៦ខាងមុខនេះ ដើម្បីសម្រេចថាតើគួរសម្រេចជ្រើសយកទង់ជាតិថ្មី ឬមួយនៅប្រើប្រាស់ទង់ជាតិបច្ចុប្បន្នដដែល។
ហេតុផលដែលនាំឲ្យមានការស្ទង់មតិជ្រើសរើសទង់ជាតិថ្មីនោះ គឺជាគំនិតរបស់លោកនាយករដ្ឋមន្ត្រីនូវែលសេឡង់ John Key ដោយលោកបានលើកឡើងថា ទង់បច្ចុប្បន្ន គឺមានលក្ខណៈស្រដៀងគ្នាទៅនឹងទង់ជាតិប្រទេសអូស្ត្រាលីពេក ហើយលោកបានបន្តទៀតថា គឺល្មមដល់ពេលយករូបទង់ជាតិរបស់ចក្រភពអង់គ្លេស (Union Jack) ចេញពីទង់ជាតិនូវែលសេឡង់ហើយ។
ការបោះឆ្នោតជាផ្លូវការលើកទី១ នឹងបញ្ចប់នាវេលាម៉ោង ៧យប់ ម៉ោងក្នុងប្រទេសនូវែលសេឡង់ ថ្ងៃសុក្រនេះ (ត្រូវនឹងម៉ោង ១រសៀល នៅកម្ពុជា)៕
ទង់ជាតិប្រទេសនូវែលសេឡង់បច្ចុប្បន្ន
ចុចអាន៖ តំបន់អគារចម្រុះពណ៌ស្រស់ស្អាតបំផុតទាំង ១០កន្លែងលើពិភពលោក
ប្រែសម្រួល៖ មាន រតនា ប្រភព៖ BBC, dailymail
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
