បុរសៗរៀបរាប់ពីបញ្ហាស្បែកក្បាលពីការធ្វើដំណើរប្រចាំថ្ងៃ

2015-12-16 23:22:44
ចំនួនមតិ 0 | ចំនួនចែករំលែក 0

ចន្លោះមិនឃើញ

បរិយាកាសខាងក្រៅមានផ្សែងរថយន្ត ម៉ូតូ និងធូលី ដីជះឥទ្ធិពលយ៉ាងខ្លាំងទៅលើសុខភាពអ្នកធ្វើដំណើរ។ ឥលូវស្ដាប់បុរសៗអ្នកធ្វើដំណើររៀបរាប់ពីផលប៉ះពាល់ និងបញ្ហាស្បែកក្បាល និងសក់ដែលពួកគេជួបប្រទះដោយសារកង្វក់នៃបរិយាកាស។

លោក រដ្ឋា អាជីវករនៅផ្សារដើមគលើកឡើងថា បញ្ហាសក់ក្បាលរឹងជាបញ្ហាសម្រាប់លោក។ «ផ្ទះខ្ញុំនៅចម្ការដូងឯណោះ អីចឹងយើងជិះមកលក់នៅផ្សាររាល់ថ្ងៃហ្នឹង ដីហុយខ្លាំងមែនទែន។ បញ្ហាគឺសក់ក្បាលរឹង និងរមាស់ក្បាលដែរ»។ ទោះជាយ៉ាងណា លោកថា លោកមិនសូវមានពេលថែរក្សាស្បែកក្បាលឲ្យបានត្រឹមត្រូវទេព្រោះរវល់លក់ដូរ។

លោកសំ ចាន់ណា ដែលបុគ្គលិកគ្រឹះស្ថានមីក្រូហិរញ្ញវត្ថុឯកជនមួយវិញបាននិយាយថា ការបែកញើសក្បាលជាបញ្ហាធំសម្រាប់សក់។ «ដូចបងដឹងស្រាប់ហើយ រាល់ថ្ងៃហ្នឹងមេឃ (ថ្ងៃ) ក្ដៅខ្លាំងយកតែមែនទែន។ ពួកខ្ញុំខាង CO (Credit Officer) អីចឹងត្រូវចេញទៅជួបភ្ញៀវរាល់ថ្ងៃ។ ដល់អីចឹងក្បាលគឺថា បែកញើសសើមរហូត»។ បុរសវ័យ ២៤ ឆ្នាំសម្ដែងក្ដីបារម្ភថា អាចនឹងជ្រុះសក់ច្រើនធ្វើឲ្យទំពែកមុនអាយុព្រោះជ្រុះសក់ច្រើន។

ស្រដៀងគ្នានោះដែរ យុវជនសុខ វ៉ាន់ដា និស្សិតផ្នែកច្បាប់ ប្រាប់ Sabay ថា ដីហុយ និងផ្សែងឡានជាបញ្ហាធំសម្រាប់ស្បែកក្បាល។ «ហុយដល់ហើយបងផ្លូវហ្នឹង (ផ្លូវស្តុប North Bridge)។ ហុយក៏ហុយ ហើយឡានចាស់ៗហ្នឹង និយាយពីផ្សែងដល់ក។ ចង់មិនចង់ខ្ញុំដឹងថា ប៉ះពាល់ដល់សក់ គ្រាន់តែមិនដឹងប៉ុណ្ណា។ យុវជនរូបនេះរៀបរាប់ថា លោកឧស្សាហ៍កក់សក់ដែរ តែសក់ហាក់នៅតែងាប់ៗបានភាពរលាស់ និងភ្លឺរលោង។

អ្នកជំនាញនៃក្រុមហ៊ុនសាប៊ូកក់សក់ក្លៀរបុរសបានឲ្យដឹងថា ភាគល្អិត នៃធូលីដី មីក្រូប និង ផ្សែងនៅក្នុងបរិយាកាសខាងក្រៅអាចធ្វើឲ្យប៉ះពាល់ដល់ស្បែកក្បាល។ វាអាចធ្វើឲ្យងាយសក់ជ្រុះ កើតអង្គែ និងរមាស់ស្បែកក្បាលជាដើម។ ចំពោះវិធីថែរក្សាវិញគឺមិនគួរកក់សក់ច្រើនដងក្នុងមួយថ្ងៃដែលធ្វើឲ្យសក់ទន់ខ្សោយ និងឆាប់ជ្រុះបាន។ លើសពីនេះ បើត្រូវធ្វើដំណើរឆ្លងកាត់គួរប្រើកន្សែងរុំក្បាល ឬពាក់មួកដើម្បីកាត់បន្ថយការប៉ះផ្ទាល់រវាងសក់ និងធូលីដី។ សំខាន់ទៅទៀតនោះ ការជ្រើសរើសសាប៊ូដែលត្រូវនឹងស្បែកក្បាលបុរសគឺ ជៀសវាងការប្រើសាប៊ូផ្ដេសផ្ដាស ដែលងាយនឹងបង្កផលប៉ះពាល់កាន់តែច្រើនថែមទៀតដល់ស្បែកក្បាល។

ជម្រើសល្អគួរប្រើសាប៊ូកក់សក់ក្លៀរបុរស Deep Cleanse ដែលមានសមត្ថភាពចូលសម្អាតជ្រៅដល់ស្រទាប់រន្ធញើសនៃស្បែកក្បាល និង កម្ចាត់អង្គែគ្មានសល់៕

https://www.youtube.com/watch?v=wabM4v-QNnI

អត្ថបទ៖ ប្រាក់ ចាន់សីហា