យក់ ថិតរដ្ឋា ត្រៀមបទថ្មី

2015-12-17 17:55:14
ចំនួនមតិ 0 | ចំនួនចែករំលែក 0

ចន្លោះមិនឃើញ

យក់ ថិតរដ្ឋា បានប្រាប់មកកាន់ Sabay ថា នាងកំពុងត្រៀមចេញបទចម្រៀងថ្មីៗមួយចំនួន ដើម្បីបំបែកភាពស្ងប់ស្ងាត់នាពេលកន្លងមក និងទាក់ទាញការគាំទ្រឡើងវិញ ក្រោយសម្រាលកូនខ្ចី។

យក់ ថិតរដ្ឋា និយាយថា៖ “ព្រោះឥឡូវកំពុងតែត្រៀមចេញបទចម្រៀងមួយអាល់ប៊ុមតែម្នាក់ឯង តែមិនទាន់រួចរាល់នៅឡើយទេ”។ តារាចម្រៀងកូនពីររូបនេះបន្តទៀតថា នាងនៅមិនទាន់អាចសន្និដ្ឋានពីសន្ទុះនៃការគាំទ្របាននៅឡើយទេ ចំពោះអាល់ប៊ុមចម្រៀងខាងលើនេះ ខណៈបានឃ្លាតឆ្ងាយពីអ្នកគាំទ្រជាយូរមកហើយដែរ។ ប៉ុន្តែប្រភពដដែលអះអាងថា នាងបានត្រៀមលក្ខណៈរួចរាល់ហើយដើម្បីធ្វើឲ្យទស្សនិកជន និងអ្នកគាំទ្រមានភាពភ្ញាក់ផ្អើល។

ជាមួយគ្នានោះ តារាចម្រៀងសំឡេងស្អករូបនេះបន្ថែមថា នាងកំពុងធ្វើការហ្វឹកហាត់ជារៀងរាល់ថ្ងៃ សម្រាប់បទចម្រៀងថ្មីៗទាំងនោះ ព្រោះភាគច្រើនជាចង្វាក់បែបថ្មីញាក់កន្ត្រាក់អារម្មណ៍ទៀតផង។ យ៉ាងណាក៏ដោយ យក់ ថិតរដ្ឋា បញ្ជាក់ទៀតថា នឹងទុកឱ្យទស្សនិកជនរង់ចាំជួយផ្ដល់ពិន្ទុដល់បទចម្រៀងទាំងនោះផង ក្រោយចរាចរណ៍លើទីផ្សារឆាប់ៗខាងមុខ៕

អត្ថបទ៖ទ្រី រ៉ាវី