រំសាយរាល់ភាពតប់ប្រមល់នឹងស្រាឆ្ងាញ់អមដោយតន្ត្រីពីរោះនៅ Cloud 9 - Skybar
- 2015-12-23 18:00:02
- ចំនួនមតិ 0 | ចំនួនចែករំលែក 0
រំសាយរាល់ភាពតប់ប្រមល់នឹងស្រាឆ្ងាញ់អមដោយតន្ត្រីពីរោះនៅ Cloud 9 - Skybar
ចន្លោះមិនឃើញ
អ្នកដំណើរតាមដងផ្លូវជិតផ្សារកណ្ដាលអាចនឹងទាក់ភ្នែក ចាប់អារម្មណ៍នឹងពន្លឺភ្លើងពណ៌ប្លែកភ្នែកនៅកំពូលអគារកម្ពស់ ៩ ជាន់នៃសណ្ឋាគារ SUN & MOON Urban Hotel បើពួកគាត់សម្លឹងឡើងទៅលើ។ នៅលើដំបូលនៃអគារដែលខ្ពស់ជាងគេនៅប្រជុំជននោះគឺ Cloud 9 - Skybar ដែលទើបនឹងចាប់បដិសន្ធិនាពេលថ្មីៗនេះ។
បើកំពុងតប់ប្រមល់ ធុញថប់នឹងចរាចរណ៍ដ៏កកកុញ ក៏ដូចជាស្ត្រេសពីការងារទាំងឡាយ អ្នកអាចឡើងទៅទីនោះហៅស្រាក្រឡុក ឬភេសជ្ជៈមួយកែវញ៉ាំដើម្បីបន្ធូរអារម្មណ៍តានតឹងបាន។ រចនាឡើងតាមស្ថាបត្យកម្មសម័យទំនើប ការតុបតែងលម្អ និងបរិយាកាសនៃកន្លែងកម្សាន្តថ្មីសន្លាងនេះអាចឲ្យអ្នកដែលបានទៅដល់ទទួលអារម្មណ៍ខុសប្លែកពី Skybar ដែលពួកគេធ្លាប់ទៅ។
មានអ្វីទៀតដែល Cloud 9 មាន កន្លែងដទៃគ្មាន?
បរិយាកាសស្រស់ស្រាយអមដោយភ្លើងពណ៌តាមតម្រូវចិត្ត
ខ្យល់អាកាសដ៏ត្រសៀកនៅលើអគារដែលមិនមានអគារខ្ពស់ជាងនៅជិត វាជាកន្លែងគយគន់ថ្ងៃលិច គយគន់ទស្សនីយភាពទីក្រុងភ្នំពេញ ៣៦០ ដឺក្រេ និងភ្លើងចម្រុះពណ៌ដ៏ត្រជាក់អារម្មណ៍នាពេលរាត្រីដ៏រ៉ូមែនទិក។ ទស្សនីយភាពទន្លេចតុមុខ កំពូលវត្តភ្នំ ផ្សារកណ្ដាល និងអគារខ្ពស់ជាងគេក្នុងរាជធានីភ្នំពេញសុទ្ធសឹងជាអ្វីដែលអ្នកអាចមើលឃើញពីទីនោះ។
ជាកន្លែងប្រារព្ធពិធីជប់លៀង អបអរ និងកម្សាន្តសប្បាយនានាដ៏ស្រស់ស្រាយ
ទីកន្លែងអង្គុយដ៏ទូលាយ ស្រាក្រឡុក និងភេសជ្ជៈដ៏សម្បូរបែប ពិសេសអាងហែលទឹកដ៏ធំប្រកបដោយផាសុកភាពនៅផ្នែកម្ខាងនៃ Skybar ធ្វើឲ្យ Cloud 9 ជាកន្លែងប្រារព្ធពិធីដ៏រីករាយមិនគួរមើលរំលង ពិសេសសម្រាប់យុវវ័យសម័យថ្មីដែលចូលចិត្តជប់លៀងជាលក្ខណៈ BBQ, Cocktails និង Party by the pool ជាដើមនោះ។ កាន់តែពិសេស ក្រៅពីមានភ្លើងពណ៌ចម្រុះ នៅទូទាំង Skybar ទាំងមូលក៏អាចប្ដូរពណ៌ឲ្យដូចគ្នាទាំងស្រុងទៅតាមតម្រូវចិត្តរបស់ភ្ញៀវបានដែរបើមានការកុម្ម៉ង់ជាពិសេស។ នោះគឺចង់សំដៅទាំងភ្លើងនៅផ្នែកដំបូល និងអំពូលភ្លើងដាក់លម្អតាមតុនីមួយៗ។
ស្រាក្រឡុកថ្មីដែលមានតែមួយ
អ្នកអាចញ៉ាំស្រាក្រឡុកនៅគ្រប់ Skybar ដែលមានរសជាតិដូចគ្នា។ តែនៅ Cloud 9 ក្រៅពីមានអ្វីដែលគេមាន ក៏មានស្រាក្រឡុកប្រចាំហាង ៦ មុខ ដែលភ្ញៀវអាចញ៉ាំ ហើយគ្មាននៅកន្លែងដទៃ។ Sex on the cloud, Passion 9th, Bubble Cooler, Sweet N' Sour, Black & White និង Rock Plisner សុទ្ធសឹងជាស្រាក្រឡុកប្រចាំហាងដែលអ្នកអាចជ្រើសរើសសាកល្បងបាន។
ប្រម៉ូហ្សិនពិសេសៗ
សម្រាប់ការបើកដំណើរការដំបូង ហាងមានកម្មវិធីពិសេសគឺ After Work Promotion ពីម៉ោង ៥ ដល់ម៉ោង ៧ ល្ងាចចាប់ពីថ្ងៃទី ១ ដល់ ៣១ មករា ឆ្នាំ ២០១៦ ខាងមុខ។ ភ្ញៀវដែលចូលទៅ Cloud 9 នៅចន្លោះម៉ោងនេះនឹងទទួលការបញ្ចុះតម្លៃពិសេសគឺទិញ ១ កែវ ថែមជូន ១ កែវដោយឥតគិតថ្លៃ។
រីករាយនឹងតន្ត្រីកន្ត្រាក់អារម្មណ៍អបអរបុណ្យណូអែល
កម្មវិធី DJ Night នៅ Christmas Eve ថ្ងៃព្រហស្បតិ៍ ទី២៤ ធ្នូខាងមុខ អ្នកនឹងទទួលបានភាពរីករាយទ្វេឡើងតាមរយៈការចាក់ភ្លើងពី DJ ល្បីមកពីបរទេស។ អ្វីដែលគួរឲ្យចាប់អារម្មណ៍នោះគឺតម្លៃរក្សានៅដដែលមិនមានឡើងថ្លៃនោះទេ។ ប្រញាប់រួសរាន់កក់កន្លែងពីឥលូវ បើមិនចង់ខកខានមិនមានកន្លែងអង្គុយទេនោះ។
កម្មវិធីពិសេសអបអរបុណ្យណូអែល
ប្លង់ទីតាំង Cloud9
ចង់ដឹងថា Cloud 9 អស្ចារ្យដូចរៀបរាប់ឬអត់ មិត្តៗយុវវ័យអាចសាកល្បងដោយខ្លួនឯងបាន!
អត្ថបទ៖ ប្រាក់ ចាន់សីហា