មនុស្សសម័យថ្មីនិយមទិញទំនិញអនឡាញ អ្នកស្ទាក់ស្ទើរនៅតែរកតាមផ្សារ
- 2015-12-23 18:11:42
- ចំនួនមតិ 0 | ចំនួនចែករំលែក 0
មនុស្សសម័យថ្មីនិយមទិញទំនិញអនឡាញ អ្នកស្ទាក់ស្ទើរនៅតែរកតាមផ្សារ
ចន្លោះមិនឃើញ
១០ ទៅ ២០ ឆ្នាំមុនបើគេត្រូវការទិញទំនិញប្រើប្រាស់ មានតែរកនៅតាមផ្សារនិងហាងលក់ទំនិញនានាដោយត្រូវចំណាយពេលធ្វើដំណើរទៅមកនិងត្រូវដើរតត្រុកពីតូបមួយទៅតូបមួយ ដែលពេលខ្លះខាតទាំងពេលឥតប្រយោជន៍ដោយសារមិនអាចទិញបានរបស់ដែលខ្លួនពេញចិត្ត។
ប៉ុន្តែសម័យថ្មីគេលែងចាំបាច់ធ្វើតាមទម្លាប់ចាស់ដូចមុនទៀតហើយ អង្គុយនៅតែផ្ទះក៏អាចទិញទំនិញបានយ៉ាងងាយឬដែលគេហៅថា Online Shopping។
វិធីសាស្រ្តការទំនិញតាម Online អតិថិជនមិនចាំបាច់ចំណាយពេលដើរជ្រេតម្លៃពីតូបមួយទៅតូបមួយគួរឲ្យធុញទ្រាន់ និងត្រូវតថ្លៃជាមួយអ្នកលក់នាំឲ្យហត់មាត់។ កាន់តេទុកចិត្ត ក៏មិនខ្លាចប៉ះអ្នកលក់ដែលកាត់ថ្លៃតាមតែចិត្តនឹកឃើញនាំឲ្យពិបាកសម្រេចចិត្តនិងធ្លាក់ចាញ់កលក្នុងការបោកបញ្ឆោត។
មនុស្សសម័យថ្មីគិតថាការទិញតាម Online មិនត្រឹមតែចំណេញពេលវេលា ងាយស្រួលតែក៏បង្ហាញភាពទាន់សម័យថែមមួយកម្រិតទៀត។
ទោះបីជាគេមើលឃើញឥរិយាបថផ្លាស់ប្តូរមួយចំនួន ដែលពលរដ្ឋសម័យថ្មីងាកទៅរកការប្រើប្រាស់សេវាកម្មទិញទំនិញអនឡាញ ដោយសារការរីកចម្រើននៃបច្ចេកវិទ្យា និងការកើនឡើងចំនួនអ្នកប្រើប្រាស់អ៊ីនធឺណិតក៏ដូចជារីកដូចផ្សិតនៃកាធ្វើអាជីវកម្មអនឡាញ តែក៏មានទស្សនៈមិនមានគាំទ្រទាំងស្រុងនោះដែរ។
មតិខ្លះគិតថា ការទិញទំនិញតាម Online ពួកគេទទួលស្គាល់ថាមានភាពប្រសើរជាងមុនតែមិនប្រាកដថាមានសុវត្ថិភាព ១០០% នោះទេ។ មនុស្សជាច្រើននៅតែមានទស្សនៈថា របស់ទាល់តែទៅមើលនិងស្ទាបផ្ទាល់ទើបដឹងច្បាស់និងកាន់តែជឿជាក់។
ការទៅមើលប៉ះផ្ទាល់ពួកគេអាចពិនិត្យពិច័យបានច្បាស់លាស់ និងឃើញផ្ទាល់នឹងភ្នែកទោះបីល្អ ឬអាក្រក់។ ណាមួយមិនបារម្ភខ្លាចទិញហើយមិនសម ឬមិនល្អនាំឲ្យមានការសោកស្ដាយ និងខាតបង់ថវិកាចោលដោយឥតប្រយោជន៍។ ចំណែកមួយចំនួនក៏នៅមានភាពស្ទាក់ស្ទើរភ័យខ្លាចតម្លៃអាចថ្លៃជាងទំនិញដែលលក់លើទីផ្សារ។
ការទិញទំនិញតាមប្រព័ន្ធអ៊ីនធឺណិត ឬ Online Shopping អាចចាត់ទុកថាជារឿងថ្មីមួយសម្រាប់ប្រជាជនខ្មែរ។ ទោះបីការទិញទំនិញតាមអនឡាញប្រឈមហានិភ័យខ្ពស់ ប៉ុន្តែមធ្យោបាយមួយនេះក៏កំពុងទទួលបានការចាប់អារម្មណ៍ពីអ្នកដែលមានមានភាពមមាញឹកក្នុងការងារប្រចាំថ្ងៃដកឃ្លាមិនរួច និងយុវវ័យសម័យថ្មីមួយចំនួន៕
ប៊ុណ្ណារ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
