យក់ ថិតរដ្ឋា ពង្រីកជំនួញ

2016-01-04 16:12:22
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកនាង យក់ ថិតរដ្ឋា បានប្រាប់ឲ្យ Sabay ឲ្យដឹងថា សព្វថ្ងៃនាងមានភាពមមាញឹកច្រើនទាំងការធ្វើចម្រៀងថ្មី និងមុខជំនួញរកស៊ីផ្ទាល់ ដោយបច្ចុប្បន្នកំពុងពង្រីកបន្ថែម។

“ទាំងការងាររកស៊ី និងសិល្បៈបង គឺមានការមមាញឹកដូចគ្នា ហើយថ្មីៗនេះត្រៀមបើកហាងលក់គ្រឿងសម្អាងមួយទៀត។” យក់ ថិតរដ្ឋា ថ្លែង ។ តារាស្រីដែលបានរៀបការជិត ១០ ឆ្នាំរូបនោះ បានបន្តទៀតថា នាងទើបបានបើកហាងគុយទាវមួយកន្លែង ហើយទទួលបានការគាំទ្រច្រើនពីមិត្តរួមអាជីព ក៏ដូចជាទស្សនិកជនអ្នកគាំទ្រ។

ទាក់ទិននឹងជំនួញផ្ទាល់ខ្លួនវិញប្រពន្ធ ឃុំ ប៉ុណ្ណាដែត បានឲ្យដឹងថា នាង និងគ្រួសារមានជំនួញពីរបី ដូចជាហាងគុយទាវបែបថៃ លក់ផលិតផលតាមអនឡាញ ហើយកំពុងតែរៀបចំបើកជាហាងលក់ផលិតផលកែសម្ផស្សមាន Brand ទទួលបន្តផ្ដាច់មុខពីប្រទេសកូរ៉េ និងថៃទៀ។ ចំណែកដើមទុនក្នុងការបើក អ្នកនាងថាមិនច្បាស់ ព្រោះអ្វីៗភាគច្រើនសុទ្ធតែស្វាមីជាអ្នករ៉ាប់រងទាំងអស់។ "បងមិនសូវជាច្បាស់សោះរឿងនឹង ព្រោះស្វាមីបងគាត់ជាអ្នកចាត់ចែង គ្រាន់តែពេលទំនេរ បងទៅជួយមើលហាងទៅ។”

តែសម្រាប់ហាងលក់ផលិតផលកែសម្ផស្ស យក់ ថិតរដ្ឋា មិនទាន់រួចរាល់នៅឡើយទេ ព្រោះកំពុងតែសាងសង់កន្លែងលក់ និងសិក្សាពីទីផ្សារ៕

អត្ថបទ៖ទ្រី រ៉ាវី