ថៃ រកឃើញករណីជំងឺផ្លូវដង្ហើម MERS ទីពីរ

2016-01-26 18:25:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសថៃ បានបញ្ជាក់អះអាងថា ករណីជំងឺ MERS លើកទីពីរបានកើតឡើង។ នេះបើតាមរដ្ឋមន្ត្រី ក្រសួងសុខាភិបាលថៃ។

រដ្ឋមន្ត្រីក្រសួងសុខាភិបាលថៃ លោក Piyasakol Sakolsatayadorn បានប្រាប់ទៅសន្និសីទព័ត៌មានថា វីរុស MERS (Middle East Respiratory Syndrome ) ត្រូវបានរកឃើញលើបុរសជនជាតិអូម៉ង់ វ័យ៧១ ឆ្នាំម្នាក់ ដែលបានធ្វើដំណើរទៅក្រុងបាងកក កាលពីថ្ងៃសុក្រកន្លងទៅ។

“បន្ទាប់ពីជិះឡានតាក់ស៊ីទៅកាន់សណ្ឋាគារមួយ គាត់ត្រូវបានទៅត្រួតពិនិត្យសុខភាពនៅមន្ទីរពេទ្យមួយ ហើយលទ្ធផលបង្ហាញថាគាត់ផ្ទុកវីរុស MERS។ ករណីនោះត្រូវបានរកឃើញភ្លាមៗ ដូចនេះ សាធារណជនកុំឲ្យមានការភ័យព្រួយ"។ លោក Piyasakol Sakolsatayadorn បានប្រាប់ទៅសារព័ត៌មាន។

លោករដ្ឋមន្ត្រីបានបន្ថែមទៀតថា មនុស្សចំនួន៣៧ នាក់ទៀត ត្រូវបានតម្រូវឲ្យពិនិត្យមើល ដើម្បីរកមើលខ្លាចក្រែងមានជំងឺខាងលើដែរ ក្នុងនោះមានទាំងកូនប្រុសបុរសជនជាតិអូម៉ង់ដែលបានធ្វើដំណើរជាមួយប៉ាគេមក។

ករណីជំងឺ MERS លើកទី១នៅថៃ ត្រូវបានរកឃើញកាលពីឆ្នាំមុនលើ បុរសអ្នកជំនួញជនជាតិអូម៉ង់ម្នាក់ ប៉ុន្តែបុរសបានជារួចផុតពីជំងឺ៕

ចុចអាន៖ កូរ៉េខាងត្បូង ប្រកាសថាអស់ជំងឺ MERS ហើយ

ប្រែសម្រួល៖ មាន រតនា ប្រភព៖ coconuts, reuters