Kagawa លេងបាល់ទល់នឹងក្មេង៣០នាក់ ញាក់ដាច់១តារាង
- 2016-01-27 20:54:04
- ចំនួនមតិ 0 | ចំនួនចែករំលែក 0
Kagawa លេងបាល់ទល់នឹងក្មេង៣០នាក់ ញាក់ដាច់១តារាង
ចន្លោះមិនឃើញ
Shinji Kagawa ខ្សែបម្រើក្រុម Borussia Dortmund បានបង្ហាញពីបច្ចេកទេសញាក់បាល់យ៉ាងអស្ចារ្យ ដោយអូសញាក់ដាច់ក្មេងៗជាច្រើននាក់ មុននឹងចូលបញ្ចូលទីបានសម្រេច។
កីឡាករជម្រើសជាតិជប៉ុន វ័យ២៦ឆ្នាំរូបនេះ បានលេងបាល់តែម្នាក់ឯង ទល់នឹងក្រុម Hyogo Dream Team ដែលមានក្មេងៗសិស្សសាលា៣០នាក់ ក្នុងការប្រកួតសម្ដែងដើម្បីសប្បុរសធម៌មួយ។ ដោយចាប់ផ្ដើមពីចំណុចកណ្ដាលតារាង Kagawa បានអូសញាក់ដាច់ក្មេងៗ ដែលមានជើងតូចៗជាច្រើន និងបានស៊ុតបញ្ចូលទី ថែមទាំងរត់អបអរទៀតផង។
នេះមិនមែនជាលើកទី១ សម្រាប់អតីតខ្សែបម្រើក្រុម Manchester United រូបនេះ ពោលគឺកាលខែធ្នូ ឆ្នាំ២០១៣ ក៏រូបគេធ្លាប់លេងជាមួយក្មេងៗចំនួន៥៥នាក់ផងដែរ។
Kagawa ស៊ុតឲ្យ Dortmund ៤គ្រាប់ហើយនៅ Bundesliga រដូវកាលនេះ ក្នុងនោះ Assists បាន៦ដង បង្កើតឱកាសឲ្យដៃគូបាន៣២ដង និងបានជួយឲ្យ Dortmund ឈរនៅចំណាត់ថ្នាក់លេខ២ ចាញ់ក្រុមលេខ១ Bayern Munich ៨ពិន្ទុ៕
សូមទស្សនាវីដេអូខាងក្រោម៖
Catch me if you can – The @S_Kagawa0317 challenge #shinjidream https://t.co/NLHUXTWueg
— Borussia Dortmund (@BVB) January 26, 2016
ប្រែសម្រួល៖ វិន ជីវ័ន្ត ប្រភព៖ dailymail
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
