រឿងភាគកូរ៉េល្បីៗទាំង៥ និយាយពីស្នេហារបស់សិស្សមហាវិទ្យាល័យ

2016-02-03 13:05:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ខាងក្រោមនេះគឺជាខ្សែភាពយន្តភាគរបស់កូរ៉េខាងត្បូងមួយចំនួនដែលនិយាយពីជីវិតស្នេហារបស់សិស្សានុសិស្សពេលរៀនថ្នាក់មហាវិទ្យាល័យ។

១ Love Rain

ភាគដំបូងៗរបស់រឿងភាគ "Love Rain” នាំទស្សនិកជនឲ្យទស្សនារឿងនិទានស្នេហាដែលឆ្លងឧបសគ្គជាច្រើនរបស់និស្សិត In Ha និង Yoon Hee ដែលសម្ដែងដោយ Jang Geun Suk និង Yoona។ បើទោះបីជាខំពុះពារយ៉ាងណាក៏ដោយតែអ្នកទាំង២នៅតែមិនអាចជួបគ្នាដដែលនៅចុងក្រោយ។

២ Sungkyungkwan Scandal

Kim Yoon Hee(Park Min Young) មិនត្រឹមតែស្រស់ស្អាតថែមទាំងឆ្លាតវាងវៃទៀតផង តែដោយសារតែផ្នត់គំនិតចាស់បុរាណ ដូចនេះហើយមនុស្សស្រីនៅពេលនោះមិនត្រូវបានអនុញ្ញាតឲ្យចូលរៀននោះទេ។ អាស្រ័យហេតុនេះ នាងត្រូវបន្លំខ្លួនជាប្អូនប្រុសរបស់ខ្លួនដើម្បីចូលរៀននៅមហាវិទ្យាល័យ Sungkyungkwan។ នៅទីនេះដែរ នាងបានបង្កើតចំណងស្នេហាជាមួយនិស្សិតប្រុស Lee Sun Joon(Yoo Chun)។

៣ Heartstrings

រឿងភាគមួយនេះនិយាយពីជីវិតសិស្សមហាវិទ្យាល័យវិចិត្រសិល្បៈមួយ។ Heartstrings នាំអារម្មណ៍ទស្សនិកជនទៅកាន់រឿងស្នេហាក៏ដូចជាចំណង់ចំណូលចិត្តដែលមិនចេះសាបសូន្យរបស់យុវវ័យជំនាន់ថ្មី។ នៅក្នុងមជ្ឈដ្ឋានដែលមើលទៅមានតែពណ៌ផ្កាឈូកនេះ សិស្សតន្ត្រីបុរាណ Lee Kyu Won(Park Shin Hye) បានលង់ស្នេហ៍នឹងតន្ត្រីករសម័យ Lee Shin(Jung Yong Hwa)។

៤ Cantabile Tomorrow

តារាសម្ដែង Joo Won និង Shim Eun Kyung បាននាំមកឲ្យទស្សនិកជននូវផ្ទាំងទស្សនីយភាពស្នេហាដ៏ផ្អែមល្ហែមរវាងនិស្សិតចម្រៀង២នាក់គឺ Cha Yoo Jin និង Seol Nae Il នៅក្នុងរឿងភាគ Cantabile Tomorrow។

៥ Reply 1994

Reply 1994 គឺជាវគ្គទី២ដែលស្ថិតនៅក្នុងបណ្ដុំរឿង "Reply” ដ៏ពេញនិយមរបស់ប៉ុស្តិ៍ទូរទស្សន៍ tvN។ រឿងនេះវិលជុំវិញជីវិតគ្រួសារក៏ដូចជាស្នេហារបស់និស្សិតស្រីប្រុសនៅក្នុងឆ្នាំ ១៩៩៤ នាសតវត្សមុន៕

ចុចអាន៖រឿងភាគកូរ៉េល្បីៗពីជីវិតសិស្សវិទ្យាល័យ ដែលមើលហើយបំភ្លេចមិនបាន

ប្រែសម្រួល៖ សុវណ្ណផៃ ប្រភព៖zing