យុវវ័យនាំគ្នាលេងហ្គេមយកសំបុត្រទស្សនាភាពយន្តឥតគិតថ្លៃ

2016-02-16 17:48:55
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវវ័យជាច្រើន បានមកជួបជុំគ្នានៃថ្ងៃទី ១៤ កុម្ភៈ ដែលជាថ្ងៃបុណ្យនៃក្ដីស្រឡាញ់ ដោយពួកគេមួយចំនួនមកដើម្បីចូលរួមលេងហ្គេមកម្សាន្តដើម្បីទទួលបានសំបុត្រចូលទស្សនាភាពយន្តល្បីៗពីររឿងនៅរោងភាពយន្ត Platinum Cineplex ។

ភាពយន្តទាំងពីររឿងដែលត្រូវបានដាក់ក្នុងការលេងល្បែងកម្សាន្តនេះ មានមួយរឿងជាភាពយន្តប្រទេសថៃ និងមួយរឿងទៀត គឺរឿង "Deadpool” ដែលកំពុងពេញនិយម។ តាមលោក ព្រីដា និលខ័ណ្ឌ ប្រធានផ្នែកទីផ្សារក្រុមហ៊ុន Spy ដែលជាម្ចាស់រៀបចំកម្មវិធីខាងលើ បានប្រាប់ថា យុវវ័យដែលមកចូលរួមក្នុងកម្មវិធីក្នុងថ្ងៃបុណ្យនៃក្ដីស្រឡាញ់នេះ មានចែកជាពីរផ្នែក ទី១ យុវវ័យដែលជា Fans របស់ Spy និងទី២ ជាយុវវ័យទូទៅ។

“Fans របស់យើង គាត់ចុះឈ្មោះតាមហ្វេសប៊ុក គាត់បានសំបុត្រដោយស្វ័យប្រវត្តិ។ ឯយុវវ័យទូទៅ គាត់ត្រូវចូលលេងហ្គេម ហើយអ្នកចូលលេង គឺបានទទួលសំបុត្រកុនទាំងអស់"។ លោក និលខណ្ឌ។

តាមការគូសបញ្ជាក់របស់ប្រធានផ្នែកទីផ្សារដដែល បានឲ្យដឹងថា ជាលទ្ធផលយុវវ័យប្រមាណជា ង ១៤០ បានចូលរួមលេងហ្គេមកម្សាន្តឈ្នះសំបុត្រកុនពីក្រុមហ៊ុនភេសជ្ជៈលោក។ "អ្វីដែលយើងបានធ្វើ គឺគ្រាន់តែចង់ឲ្យមិត្តយុវវ័យទទួលបានភាពសប្បាយរីករាយ និងបង្កើនភាពស្និទ្ធស្នាលប៉ុណ្ណោះ។ អីចឹងហើយ បានយើងម៉ៅរោងភាពយន្តទាំង៣ជូនពួកគាត់ទស្សនាដោយឥតគិតថ្លៃតែម្ដង"។

ក្រៅពីកម្មវិធីផ្ដល់ឱកាសឲ្យយុវវ័យបានចូលរួមលេងក្នុងកម្មវិធីខាងលើ លោក ព្រីដា និលខ័ណ្ឌ ប្រាប់ថា លោកក៏ឆ្លៀតបង្ហាញជូនតារាចម្រៀងដែលជាជយលាភី Spy Guys and Girls ជំនាន់ទី៣ដែរ។ លោក បន្តថា ក្រុមហ៊ុនរបស់លោក កំពុងដំណើរការផលិតបទ Original Song សម្រាប់ពួកផងដែរ។

"ការផលិតជិតបានសម្រេច សង្ឃឹមថា យុវវ័យ ក៏ដូចជាអ្នកស្រឡាញ់វិស័យសិល្បៈ នឹងជួយគាំទ្រស្នាដៃកូនខ្មែរទាំងអស់គ្នា"។ វិលមកការប្រកួតរបស់យុវវ័យវិញ កម្មវិធីមានច្រើនរបៀបសាមញ្ញ។ សូមទស្សនាខ្លះៗតាមវីដេអូខាងក្រោម។