អាន វិសាល បង្ហាញមុខនៅទ្រនំថ្មី

2016-02-25 16:39:01
ចំនួនមតិ 0 | ចំនួនចែករំលែក 0

ចន្លោះមិនឃើញ

អាន វិសាល ត្រៀមបង្ហាញមុខជាថ្មីតាមរយៈផលិតកម្ម Diamond Music ដើម្បីបំបែកភាពស្ងប់ស្ងាត់ ដែលបានអូសបន្លាយជាយូរមកហើយនោះ។

“ប្រសិនបើដូចអ្វីបាននិយាយគ្នានោះ ខ្ញុំសង្ឃឹមដែរ ព្រោះធម្មតាអ្នកចម្រៀង ឱ្យតែមានបទច្រៀងចេញច្រើន គឺចេះតែល្បីហើយ"។ អាន វិសាល ថ្លែងមកកាន់ Sabay។ លោកបន្តថា នៅមិនទាន់កុងត្រាជាផ្លូវការជាមួយផលិតកម្មនៅឡើយទេ ប៉ុន្តែកំពុងត្រៀមចេញចម្រៀងចំនួន ៤ បទរួចស្រេចហើយដែរ ដោយរំពឹងថា នឹងមានការគាំទ្រពីមហាជន។

ម្ចាស់បទ "ផ្ដើមស្រឡាញ់ ផ្ដើមអស់សង្ឃឹម" រូបនេះបន្ថែមថា ការពិតទៅកន្លងមកមិនបានចាកចេញពីវិស័យសិល្បៈនោះទេ គឺច្រៀងក្នុងផលិតកម្មមួយ គ្រាន់តែមិនសូវបានចេញបទចម្រៀងប៉ុណ្ណោះ។ អាន វិសាល បន្តម្យ៉ាងទៀតថា ការប្រឡូកក្នុងវិស័យសិល្បៈជាង ១០ ឆ្នាំមកនេះ ហាក់ជួបបញ្ហាបន្តបន្ទាប់ នាំឱ្យខាតបង់ពេលវេលាជាច្រើន។ ទោះបីជាយ៉ាងណា លោកសង្ឃឹមថា មហាជនគាំទ្រម្ដងទៀតសម្រាប់វត្តមានក្នុងផលិតកម្ម Diamond Music៕

អត្ថបទ៖ សំ ជំនាញ