គង់ ចាន់រដ្ឋា ជិះឡានតម្លៃជិត២ម៉ឺនដុល្លារ គ្រោងប្ដូរចេញ

2016-03-10 13:31:20
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង គង់ ចាន់រដ្ឋា បច្ចុប្បន្នត្រូវបានគេដឹងថា ជិះរថយន្តCamry 2003 ដែលមានតម្លៃជិត២ម៉ឺនដុល្លារ តារាស្ត្រីម្នាក់នេះបានបង្ហើបប្រាប់ Sabay ថា គ្រោងប្ដូរយកស៊េរីខ្ពស់ជាងនេះក្នុងពេលឆាប់ៗ។

តារាសម្ដែង និងតារាចម្រៀង កញ្ញា គង់ ចាន់រដ្ឋា មិនបានប្រាប់ ពីស៊េរីរថយន្តដែលនាងគ្រោងប្ដូរឡើយ គ្រាន់តែបង្ហើបប្រាប់ថា ចង់បានស៊េរីខ្ពស់ជាងនេះ ហើយអាចធ្វើឡើងក្នុងពេលឆាប់ខាងមុខនេះ។

"ឃើញគេជិះអាល្អៗចង់បានដែរ តែចាំមើលតិចទៀតសិន មិនដឹងឡានខ្ញុំជិះរាល់ថ្ងៃ លក់ចេញបានប៉ុន្មានទេ ហើយត្រូវថែមប៉ុន្មានទៀតដែរ ចាំមើលសិន ពេលឃើញខ្ញុំជិះទៅបងឃើញហើយ អាចឆាប់ៗអីហ្នឹង" គង់ ចាន់រដ្ឋា លើកឡើង។

ចាប់តាំងពី គង់ ចាន់រដ្ឋា បោះជំហានចូលសិល្បៈ តារាស្រីមានកំណើតមកពីខេត្តសៀមរាបម្នាក់នេះ ទើបជិះរថយន្តអស់ចំនួន២គ្រឿងប៉ុណ្ណោះ រថយន្តដំបូងគឺ Camry 2002 ដែលនាងបានទិញក្នុងអំឡុងឆ្នាំ២០១៣ បន្ទាប់ពីត្រឡប់មកពីច្រៀងសហរដ្ឋអាមេរិក។

រដ្ឋា បញ្ជាក់ជាចុងក្រោយថា ទាំងរថយន្តដែលនាងជិះបច្ចុប្បន្ន និងគម្រោងប្ដូរទៅថ្ងៃខាងមុខ គឺឺជាកម្លាំងញើសឈាមរបស់ខ្លួន ដែលខំសន្សំពីការងារសិល្បៈប៉ុណ្ណោះ មិនមានអ្នកណាជួយឧបត្ថម្ភឡើយ ហើយគម្រោងប្ដូរនោះ ក៏នាងមិនប្ដូរថ្លៃលើសពីសមត្ថភាពខ្លួនឡើយ៕