Man City នឹងបាត់មុខ Kompany ១ខែដោយសាររបួស

2016-03-16 21:00:51
ចំនួនមតិ 0 | ចំនួនចែករំលែក 0

ចន្លោះមិនឃើញ

Vincent Kompany ទំនងជាអវត្តមានពីការប្រកួតយ៉ាងតិចណាស់ក៏១ខែដែរ ក្រោយរបួសសាច់ដុំកំភួនជើងរបស់គេរើឡើងវិញ ក្នុងប្រកួតជាមួយ Dynamo Kiev យប់មិញ។

ខ្សែការពារប្រធានក្រុម បង្ហាញខ្លួនលើទីលានត្រឹម៧នាទីប៉ុណ្ណោះ ត្រូវប្ដូរចេញវិញ តែយ៉ាងណាក៏ដោយ City នៅអាចស្មើ ០-០ ដើម្បីឈានទៅវគ្គ៨ក្រុមចុងក្រោយ Champions League ជាលើកដំបូងក្នុងប្រវត្តិសាស្ត្រ បន្ទាប់ជើងទី១បានយកឈ្នះ Dynamo Kiev ៣-១។

រាប់ទាំងលើកនេះ Kompany ធ្លាប់មានរបួស១៤ដងហើយចាប់តាំងពីផ្ទេរមកកាន់ទឹកដី Etihad កាលពីឆ្នាំ ២០០៨មក។ ពាក់ព័ន្ធនឹងរបួសកីឡាករសញ្ជាតិបែលហ្សិក លោក Pellegrini បាននិយាយថា៖ "Kompany មានរបួសសាច់ដុំកន្លែងចាស់សាជាថ្មី។ ពួកយើងនឹងដឹងថ្ងៃស្អែកថាវា ត្រូវការពេលព្យាបាលយូរប៉ុនណា តែបើតាមដឹងរបួសសាច់ដុំ យ៉ាងតិចណាស់ក៏សម្រាក១ខែដែរ”៕

ចុចអាន៖ ក្មួយស្ដេចប្រ៊ុយណេ ចុះកុងត្រា៣ឆ្នាំលេងឲ្យ Leicester City

ប្រែសម្រួល៖ វីរ៉ុត ប្រភព៖ ESPN