តាមពិតរូប iPhone 7 បែកធ្លាយម្សិលមិញជារូបរបស់ទូរសព្ទ Meizu ស៊េរីថ្មីសោះ

2016-03-18 16:12:43
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីម្សិលមិញនេះមានរូបភាពបែកធ្លាយមួយសន្លឹកត្រូវបានចែកចាយនៅលើសារព័ត៌មានដោយលើកឡើងថាជារូបរាងថ្មីរបស់ iPhone 7។ ប៉ុន្តែថ្ងៃនេះអនុប្រធានក្រុមហ៊ុន Meizu បានធ្វើការបញ្ជាក់ថារូបភាពកាលពីម្សិលមិញតាមពិតជារូបរាងទូរសព្ទស៊េរីថ្មីរបស់ខ្លួន។

រូបដែលបែកធ្លាយម្សិលមិញ

លោក Li Nan ដែលជាអនុប្រធានក្រុមហ៊ុនទូរសព្ទចិននេះបានធ្វើការបញ្ជាក់ដោយផ្ដល់នូវរូបភាពមួយសន្លឹក បង្ហាញពីរូបរាងខាងក្រោយនៃទូរសព្ទស៊េរីថ្មីម៉ូដែល Pro 6ដែលមានស្លាកសញ្ញា Meizu ជាសម្គាល់។ លោក Nan សម្រេចចិត្តបញ្ជាក់ដូចនេះដោយសារចង់ទប់ស្កាត់កុំឲ្យព័ត៌មានមិនពិតទាក់ទងនឹងរូបរាង iPhone ជំនាន់ថ្មីនេះធ្វើឲ្យក្រឡាប់ចាក់បណ្ដាញអ៊ីនធឺណិត។

រូបដែលអនុប្រធានក្រុមហ៊ុន Meizu បង្ហាញ

គួររំលឹកថាកន្លងមកក៏មានរូបភាពបែកធ្លាយជាច្រើនមកហើយរបស់ iPhone ដែលលេចឡើងលើប្រព័ន្ធអ៊ីនធឺណិត ហើយរូបភាពទាំងនោះមានលក្ខណៈដូចគ្នាបេះបិទទៅនឹងរូបរាងរបស់ Meizu Pro 6 ដែលបែកធ្លាយកាលពីម្សិលមិញ៕