មើលឈុតក្រៅឆាករឿង "តម្លៃស្នេហ៍” ទើបដឹងថា ពិបាកទម្រាំផលិតបាន

2016-03-31 13:32:22
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលប៉ុន្មានថ្ងៃមុនទស្សនិកជនបានទស្សនា Trailer រួចមកហើយ ចំពោះរឿង "តម្លៃស្នេហ៍” របស់ផលិតកម្ម "ខ្មែរមេគង្គ” ហើយនៅថ្ងៃនេះ Sabay សូមនាំអារម្មណ៍លោកអ្នកមកទស្សនាឈុតក្រៅឆាកវិញម្ដង។

រឿង "តម្លៃស្នេហ៍” គឺជាខ្សែភាពយន្តខ្នាតធំមួយដែលនិយាយទាក់ទងនឹងការផ្សំផ្គុំគូស្រករ ដោយក្នុងសាច់រឿងមានលាយឡំមនោសញ្ចេតនា កំប្លែង ការស្រលាញ់ ជំទាស់ វាយឫក ប្រកាន់វណ្ណៈជាដើម។ ខ្លឹមសារនៃសាច់រឿងទាំងមូលមិនមែនជារឿងពិតរបស់អ្នកណាម្នាក់ ទេ ប៉ុន្តែគឺវាជាការបង្ហាញសភាពពិតនៃសង្គមបច្ចុប្បន្ន។

ស្រីស្អាត ស៊ីន យូប៊ីន និង លោក យិម សម្បត្តិ គឺជាតួអង្គឯកក្នុងខ្សែភាពយន្តខ្នាតធំមួយនេះ ជាមួយគ្នានោះដែរ ក៏មានតារាសម្ដែងជាច្រើននាក់ផ្សេងចូលក៏បានចូលរួមសម្ដែងដែលមានដូចជា អែន យ៉ាដាវ លោក សាហ្វីន ហ្វីលីព កញ្ញា សុខ មុនីរក្សា ជាដើម។ សាច់រឿង និងគម្រោងសាច់រឿងសរសេរដោយលោក ស្ទូអាត ឈីឆាម សរសេរប៉ារ៉ូលដោយលោក ម៉ាធ្យូ រ៉ូប៊ីនសុន។

តាមការឲ្យដឹងពីលោក ម៉ាធ្យូ រ៉ូប៊ីនសុន ដែលជាអ្នកដឹកនាំសម្ដែង រឿង”តម្លៃស្នេហ៍”ត្រូវបានផលិតឡើងសម្រិតសម្រាំងបំផុត ដែលជាគោលការណ៍ក្នុងមួយថ្ងៃ ផលិតកម្មថតយកសាច់វីដេអូសម្រេចតែ៥នាទីតែប៉ុណ្ណោះ។ រយៈពេលនៃការផលិតខ្សែភាពយន្តមួយនេះបានប្រើពេលជាង៦សប្ដាហ៍។

លោក ម៉ាធ្យូ រ៉ូប៊ីនសុន រំពឹងថា រឿង "តម្លៃស្នេហ៍” នឹងធ្វើឲ្យអ្នកបានទស្សនាសប្បាយ ប្លែកអារម្មណ៍។ អ្នកដឹកនាំរូបនេះ មានជំនឿថា ក្រោយពីបានទស្សនារួច ទស្សនិកជន នឹងនាំមិត្តភ័ក្ដិ ក៏ដូចជាសាច់ញាតិរបស់ពួកគេមកទស្សនាបន្តទៀតមិនខាន។

រឿង តម្លៃស្នេហ៍” គ្រោងធ្វើការបើកសម្ពោធនៅថ្ងៃទី ០៦ ខែ មេសា ឆ្នាំ ២០១៦ នៅរោងភាពយន្ត Major Cineplex by Cellcard ផ្សារទំនើបអ៊ីអន។ ចំពោះការចាក់បញ្ចាំង នឹងធ្វើនៅថ្ងៃទី១១ ខែ មេសា ឆ្នាំ ២០១៦នៅគ្រប់រោងកុនទំនើបទាំងអស់ក្នុងរាជធានីភ្នំពេញ និង ក្រុងសៀមរាប៕