Kimberly-Mark Prin, Yaya-Nadech សុទ្ធ​សឹង​តែ​ជា​​គូស្នេហ៍​​ថៃ​ដែល​ត្រូវ​បាន​អ្នក​គាំទ្រ​ស្រលាញ់​ចូលចិត្ត​តាំង​ពី​ក្នុង​រឿង​ដល់​​ជីវិត​ខាង​ក្រៅ។

១ Anne Thongprasom - Ken Theeradeth Wonpuapan

បើ​សិន​ជា​អ្នក​គាំទ្រ​របស់ lakorn ថៃ ប្រិយមិត្ត​ពិត​ជា​ស្គាល់​គូស្នេហ៍ Anne Thongprasomនិង Ken Theeradeth Wonpuapan ក្នុង​រឿង​ភាគ "Sawan Biang” ជាក់​ជា​មិន​ខាន។ "Sawan Biang” គឺ​ជា​ខ្សែ​ភាពយន្ត​ភាគ​ល្បី​ឈ្មោះ​បំផុត​នៅ​ថៃ​ក្នុង​ឆ្នាំ ២០០៨។ រឿង​ភាគ​មួយ​នេះ​មិន​ត្រឹម​តែ​ជួយ​ឲ្យ​ប៉ុស្តិ៍​លេខ ៣​រក​លុយ​ឡើង​កប់​ពពក​នោះ​ទេ តែ​ក៏​បាន​ជំរុញ​ប្រជាប្រិយភាព​​របស់​តួ​ឯក Anne និង Ken ឲ្យ​ល្បី​នៅ​បណ្ដាល​ប្រទេស​អាស៊ី​ផង​ដែរ។

បើ​ទោះ​បី​ជា​មាន​វ័យ​រៀង​ជ្រេ​បន្តិច​ក៏ដោយ​តែ​បើ​និយាយ​ពី​ទេពកោសល្យ​វិញ​គឺ​គ្មាន​​តារា​ស្រករ​ក្រោយ​ណា​អាច​ប្រៀបធៀប​នឹង​កំពូល​តារា​សម្ដែង​ទាំង​២​នេះ​​បាន​ឡើយ។ ក្រៅ​ពី​រឿង "Sawan Biang” អ្នក​ទាំង​២​ក៏​ទទួល​បាន​ជោគជ័យ​នៅ​ពេល​សហការ​គ្នា​ក្នុង​គម្រោង​ជា​ច្រើន​ទៀត​ដូច​ជា "Rang Ngao” “Oum Ruk” “Sood Sanae” និង "៣៦៥ Wun Haeng Ruk” ជា​ដើម។

២ Yaya Urassaya - Nadech Kugimiya

Yaya និង Nadech សុទ្ធ​តែ​ជា​តារា​វ័យ​ក្មេង​ពោរពេញ​ទៅ​ដោយ​ទេពកោសល្យ​របស់​វិស័យ​សិល្បៈ​ថៃ។ មាន​សម្រស់​ស្រស់​ស្អាត​ដោយ​​ជា​កូន​កាត់​អឺរ៉ុប អ្នក​ទាំង​២​ងាយ​ស្រួល​ទាក់ទាញ​ចំណាប់​អារម្មណ៍​របស់​អ្នក​ដទៃ។ ចាប់​ផ្ដើម​ល្បី​ឈ្មោះ​តាម​រយៈ​រឿង​ភាគ "4 Huajai Haeng Koon Kao” គម្រោង​ភាពយន្ត​​ខ្នាត​ធំ​ក្នុង​ឱកាស​គម្រប់​ខួប​៤០​ឆ្នាំ របស់​ប៉ុស្តិ៍​លេខ​៣ អ្នក​ទាំង​២​ត្រូវ​បាន​អ្នក​គាំទ្រ​ដាក់​រហស្សនាម​ឲ្យ​ថា Yadech ព្រោះ​សម្ដែង​​សម​គ្នា​ពេក។ ក្រោយ​ពី​ជោគជ័យ​លើស​ពី​ការ​រំពឹង​ទុក​របស់ "4 Huajai Haeng Koon Kao” តារា​សម្ដែង​ទាំង​២​បាន​បន្ត​សហការ​គ្នា​ក្នុង​រឿង "Game Rai Game Ruk” ហើយ​ក៏​ផ្ដើម​មាន​មនោសញ្ចេតនា​ពិត​ជា​មួយ​គ្នា​នៅ​ក្រៅ​រឿង​ផង​ដែរ។

៣ Kimberly Ann Voltemas - Mark Prin

បើ​ទោះ​បី​ជា​ធ្លាប់​សម្ដែង​រួម​គ្នា​ក្នុង​រឿង​ភាគ "4 Huajai Haeng Koon Kao” ដូច Nadech និង Yaya ដែរ តែ​រហូត​ដល់​រឿង "Sarm Noon Nuer Tong” Kimberly និង Mark Prin ទើប​ក្លាយ​ជា​គូស្នេហ៍​ក្នុង​រឿង​ជាមួយ​គ្នា។ បើ​ទោះ​បី​ជា​មិន​ល្បី​រន្ទឺ​ដូច គូ​ស្នេហ៍ Yadech ក៏​ដោយ តែ Kim និង Mark ក៏​ទទួល​បាន​ការ​គាំទ្រ​របស់​ទស្សនិកជន​ច្រើន​គួរ​សម​ដែរ។ ក្រោយ​ជោគជ័យ​របស់ "Sarm Noon Nuer Tong” Kimberly និង Mark ត្រូវ​បាន​តារា​សម្ដែង​និង​ផលិតករ​ជើង​ចាស់ Anne Thongprasom ចាប់​អារម្មណ៍​និង​អញ្ជើញ​ឲ្យ​ចូល​រួម​សម្ដែង​ក្នុង​រឿង "Panyachai Kron Krua”។ ចំនួន​អ្នក​ទស្សនា​រឿង​​ខ្ពស់​កប់​ពពក​បាន​ធ្វើ​ឲ្យ​គូស្នេហ៍​ទាំង​២​កាន់​តែ​ល្បី​លើស​ដើម។ បន្ត​នឹង​ជោគជ័យ​នេះ ប៉ុស្តិ៍​លេខ​៣​សម្រេច​ជឿជាក់​លើ Kim និង Mark ម្ដង​ទៀត​នៅ​ពេល​ផ្ដល់​ឱកាស​ឲ្យ​អ្នក​ទាំង​២​បាន​សម្ដែង​តួឯក​ក្នុង​រឿង "Ton Ruk Rim Rua”៕

ចុចអាន៖កំពូល​តារា​​កែ​ភេទថៃ Nong Poy ស្អាត​ឥត​ខ្ចោះ​លើ​កម្រាល​ព្រំ​ក្រហម​នៅ​ហុងកុង

ប្រែ​សម្រួល៖ សុវណ្ណផៃ ប្រភព៖ione