ភ្នំពេញក្រោន បន្តកាន់កំពូលតារាងទាំងលីក U-15 និងលីក U-17
- 2014-10-28 15:10:27
- ចំនួនមតិ 0 | ចំនួនចែករំលែក 0
ភ្នំពេញក្រោន បន្តកាន់កំពូលតារាងទាំងលីក U-15 និងលីក U-17
ចន្លោះមិនឃើញ
យុវជនរបស់ភ្នំពេញក្រោនកំពុងធ្វើការនាំមុខទាំងលីកយុវជន U-15 និងលីក U-17 គិតត្រឹមសប្ដាហ៍នេះ នៅលើទីលានសាលាបាល់ទាត់ជាតិទន្លេបាទី។
លីកយុវជន U-15 បានឈានចូលដល់សប្ដាហ៍ទី៧ហើយ ស្របពេលដែលយុវជនភ្នំពេញក្រោននៅតែបង្ហាញភាពខ្លាំងរបស់ខ្លួនដដែល ក្នុងនោះ៦ប្រកួតឈ្នះទាំង៦ ស៊ុតបញ្ចូលទីដៃគូបាន៤៥គ្រាប់ និងរបូតវិញត្រឹមតែ១គ្រាប់ប៉ុណ្ណោះ មាន១៨ពិន្ទុក្នុងដៃ។ ដោយឡែក ក្រុមសាលាបាល់ទាត់ជាតិ និងអាកាសចរណ៍ស៊ីវិលកំពុងដេញតាមពីក្រោយយ៉ាងប្រកិត។ ផ្ទុយពីនេះក្រុមបាតតារាង សមាគមកីឡាបាល់ទាត់ខេត្តកណ្ដាល៦ប្រកួតចាញ់ទាំង៦ ហើយត្រូវគេបំប៉ោងសំណាញ់ទី១៤១គ្រាប់ និងតដៃបានត្រឹមតែ១គ្រាប់ប៉ុណ្ណោះ។
ទៅមើលលីកយុវជន U-17 វិញ គិតត្រឹមសប្ដាហ៍នេះបានឈានដល់សប្ដាហ៍ទី៤ហើយ ខណៈដែល U-17 របស់ភ្នំពេញក្រោននៅតែនាំមុខគេដដែល ដោយ៤ប្រកួតឈ្នះទាំង៤ ស៊ុតបញ្ចូលទីគេបានដល់ទៅ៥៧គ្រាប់ ហើយគេស៊ុតវិញត្រឹមតែ២គ្រាប់ប៉ុណ្ណោះ មាន១២ពិន្ទុពេញ។ ដោយឡែក ចម្ការកៅស៊ូបឹងកេត ៤ប្រកួត ឈ្នះ២ ស្មើ១ និងចាញ់១ រីឯអាកាសចរណ៍ស៊ីវិល៤ប្រកួតដូចគ្នាដែរឈ្នះ១ ស្មើ១ និងចាញ់២។ ក្រុមបាតតារាងបងប្អូនមិនដែលស្គាល់ជ័យជម្នះទាល់តែសោះ ហើយជំពាក់គ្រាប់បាល់គេរហូតដល់ទៅ៧៨គ្រាប់។
អត្ថបទ៖ អៀង សូទ្រី